گوێدرێژیک و خاوەنەکەی لە شەمەندەفەر دەستبەسەر کران



وێستگە نیوز- 
سەرنشینانی قیتارێک لە میسڕ تووشی سەرسوڕمان بوون کاتێک بینیان پیاوێک گوێدرێژەکەی لەگەڵ خۆی هێناوەتە ناو شەمەندەفەرێکەوەو دەیەوێت بە درێژایی ڕێگەکە لەگەڵ خۆیدا بیهێڵێتەوە. 

گەشتەکە لە ناوەندی " نجح حەمادی" بەرەو پارێزگای ئەقسەڕ بەڕێکەوت، کاتێک سەرنشینەکانی شەمەندەفەرەکە گوێدرێژەکەیان بینی داوای لە خاوەنەکەی کردووە بیباتە دەرەوە بەڵام خاوەنەکەی ڕەتیکردەوە ئەو کارە بکات. 

پۆلیسێکی ناوخۆیی شارەکە بە میدیایەکی میسڕی وتووە، "  کاتێک چووینە شوێنەکە خاوەنی گوێدرێژەکە وتی ئەگەر گوێدرێژەکەم لاببەن خۆم لە شەمەندەفەرەکەوە فڕێدەدەمە خوارەوە". 

کاتێکیش شەمەندەفەرەکە گەیشتە وێستگەی مەبەست گوێدرێژەکە و خاوەنەکەی دەستبەسەر کران و غەرامە کران، بەجۆرێک سزای سەرخستنی گوێدرێژەکە ٤٠٠ جونەیهی میسڕی بوو، خاوەنەکەشی لە پای نواندنی ئەو ڕەفتارەدا ١٠٠ جونەیهی میسڕی غەرامە کرا. 


ش . ر 
 


PM:05:23:09/02/2020


ئه‌م بابه‌ته 2488 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو