رۆژی چوارشەممە پەرلەمانی کوردستان کۆدەبێتەوە

‌باڵەخانەی پەرلەمانی کوردستان


وێستگە نیوز-
سەرۆکی پەرلەمانی کوردستان رایگەیاند، رۆژی چوارشەممە ٤ ی ١٢ ی ٢٠١٩ پەرلەمانی کوردستان کۆدەبێتەوە.

لە راگەیەندروێکدا کە واژۆی رێواز فایەق سەرۆکی پەرلەمانی کوردستانی لەسەرە، سەرۆکی پەرلەمان بانگهێشتی پەلەمانتاران دەکات بۆ ئامادەبوونیان لە دانیشتنی ژمارە ٨ ی ئاسایی پەرلەمانی کوردستان.

بەپێی راگەیەندراوەکە کۆبوونەوەکە  له‌كاتژمێر ١١ى پێشنیوه‌ڕۆی رۆژى چوارشه‌مه‌ رێكه‌وتی ٤ ی ١٢ ی ٢٠١٩  ئەنجامدەدرێت.

لە دەقی بانگهێشتنامەکەدا هاتووە، "پشت به‌ستن به‌ حوكمى برگه‌ى (سێییه‌م) له‌ مادده‌ى (18)ى په‌یڕه‌وی ناوخۆی په‌رله‌مانی كوردستانی ـ عیراق، بڕیارماندا بانگهێشتی گشت ئه‌ندامه‌ بـه‌ڕێزه‌كانی پـه‌رله‌مان بكه‌ین بۆ دانیشتنی ژماره‌ (8)ی ئاسایی ساڵی یه‌كه‌م له‌خولی هه‌ڵبژاردنی پێنـجه‌می پـه‌رله‌مانى كوردستان ـ عێراق، له‌كاتژمێر (11)ى پێشنیوه‌ڕۆی رۆژی چوارشه‌مه‌ رێكه‌وتی 2019/12/4، تكایه‌ له‌كاتی دیاریكراودا ئاماده‌ بن".


PM:04:25:02/12/2019


ئه‌م بابه‌ته 728 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت