فێستیڤاڵی نێودەوڵەتی شانۆی سەر شەقام لە کەرکوک بەڕێوەدەچێت
وێستگە نیوز-
بڕیار وایە کۆتایی ئەم مانگە پێنجەمین فێستیڤاڵی نێودەوڵەتی شانۆی سەر شەقام لە کەرکوک بەڕێوەبچێت.
پەیامنێری وێستگە لە شاری کەرکوک رایگەیاند، فێستیڤاڵی نێودەوڵەتی شانۆی سەرشەقامی کەرکوک- خولی حسێن میسری ماوەی سێ رۆژ بەردەوامی دەبێت و رۆژی 27 ی 11 دەست بە چالاکیەکانی دەکات و رۆژی 30 ی مانگ کۆتایی بە کارەکانی دەهێنێت و تێیدا چەندین نمایشی شانۆیی ناوخۆیی و دەرەکی بەڕێوەدەچن.
وتیشی، ئەمڕۆ دووشەممە 11 ی تشرینی یەکەمی 2019 کۆبوونەوەی رێکخەران و ئامادەکارانی فێستیڤاڵەکە بەڕێوەچووەو دواتر لە کۆنگرەیەکی رۆژنامەوانیدا کاتی دەستپێکردنی فێستیڤاڵ و وردەکارییەکانیان بۆ رۆژنامەنوسان خستووەتەڕوو.
لە فێسیڤاڵی نێودەوڵەتی شانۆی سەرشەقام لە کەرکوک جگە لە شانۆییە ناوخۆییەکانی عیراق و هەرێمی کوردستان، نمایشی شانۆیی سەرشەقامی چەند وڵاتێکی دیکەش بەشدارن کە پێکدێن لە وڵاتانی ئێران، سوریا، ئوردن، لوبنان.
PM:02:55:11/11/2019
ئهم بابهته 4208
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت