هەسەدە: ژمارەیەك ژن لەدەست داعش ڕزگاركراون

‌بڕێكی زۆر چەك و تەقەمەنییان پێبوە


وێستگە نیوز-

ناوەندی ڕاگەیاندنی هێزەكانی سوریای دیموكرات دەستگیركردنی شانەیەكی نهێنی داعش ڕادەگەیەنێت و ئاماژە بەوەش دەكات، ئەو شانە نهێنییە رێژەیەكی زۆر چەك و تەقەمەنییان پێبووە.

ناوەندی ڕاگەیاندنی هێزەكانی سوریای دیموكرات (هەسەدە)لەڕێگەی ڕاگەیەنراوێكەوە، ئەوە دەخاتەڕوو، ڕۆژی 8ی ئەم مانگە لە شاری ڕەقا، یەكینەكانی ئاسایشیان دوای چاودێرییەكی وورد، شانەیەكی نهێنی داعشیان دەستگیر كردوە كە پێكهاتبوون لە شەش ئەندام.

هەسەدە دەڵێت"لەگەڵ ئەو چەتانەی دەستگیركراون ژمارەیەك ژن كە لە داگیركارییەكانی داعش بە دیل كەوتبوونە دەستی چەتەكان، ڕزگاركراون".  

هاوكات لەڕاگەیەنراوەكەدا ئەوەش ئاشكرا كراوە، ڕێژەیەكی زۆر (بۆمب، تی ئێن تی، دژە تانك و چەك و جبەخانە لەوانە؛ ٢٩ فەردە تی ئێن تی كە نزیكەی ٥٠٠ كیلۆگرام بووە، ٦٣ مین، سێ پشتێنی خۆكوژی، ٢٨ بۆمبی دەستی، چەكێكی جۆری كالاشینكۆف، دوو چەكی جۆری AKS، سێ مەخزەنی كلاشینكۆڤ لەگەڵ ٥٠ گوللە و سێ دەمانچە) دەستیان بەسەردا گیراوە.


PM:03:40:09/11/2019


ئه‌م بابه‌ته 812 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت