قوباد تاڵەبانی: زۆریی توندڕەوی له عیراق نەبوونی خزمەتگوزارییە سه‌ره‌كییه‌كانی ژیانە
قوباد تاڵەبانی لە دیداری زانکۆی ئەمریکی لە بەیروت
وێستگه نیوزـ
لە دیداری زانكۆی ئەمریكی لە بەیروتی پایتەختی لوبنان، قوباد تاڵه‌بانی رایگه‌یاند: زۆری یاخیبوون و توندڕەوی له عیراق و ناوچەكە سەرچاوەكەی هەست بەپەراوێزخستن و نەبوونی خزمەتگوزارییە بنەڕەتییەكانی ژیانە، وتیشی پشتیوانی له هه‌وڵه‌كانی سه‌رۆك وه‌زیرانی عیراق دوپاتكرده‌وه بۆ راستكردنه‌وه‌ی په‌یوه‌ندییه‌كانی نێوان هه‌ولێر و به‌غدا.
ئێوارەی ئەمڕۆ چوارشه‌ممه 11ی ئەیلولی 2019، قوباد تاڵەبانی، جێگری سه‌رۆكی حكومه‌تی هه‌رێمی كوردستان به‌شداریی لە دیداری زانكۆی ئەمریكی لە بەیروتی پایتەختی لوبنان كرد و دۆخی ئێستای ناوچەكەی بۆ بەشدارانی دیداره‌كه رونكردەوە.
قوباد تاڵه‌بانی رونیكرده‌وه: بەشی زۆری یاخیبوون و توندڕەوی عیراق و ناوچەكە سەرچاوەكەی هەست بەپەراوێزخستن و نەبوونی خزمەتگوزارییە بنەڕەتییەكانی ژیانە، وتیشی حومكڕانی تەندروست و رەشید حوكمڕانی باش و رەشید رێگر دەبێت لەپەلكێشان و تەشەنەكردنی تیرۆر و دەكرێت پێشی پێبگیڕێت.
جێگری سه‌رۆكی حكومه‌تی هه‌رێم راشیگه‌یاند كه پشتیوانی هەوڵەكانی عادل عەبدولمەهدی، سەرۆك وەزیرانی عیراق دەكەن بۆ چارەسەركردنی كێشە هەڵپەسێردراوەكانی عیراق و راستكردنەوەی پەیوەندییەكانی هەولێر و بەغدا لەسەر بنەمای دەستوری هەمیشەیی بەركار لە عیراق.
پێشتر سەمیر هەورامی وتەبێژی جێگری سەرۆك وەزیران رایگەیاند: بەمەبەستی بەشداریكردن لە دیداری زانكۆی ئەمریكی لە بیروت، ئەمڕۆ 11ی ئەیلولی 2019، قوباد تاڵەبانی سەردانی لوبنانی كردوە، جگە لەوەش سەردانەكە هەندێ دیداری سیاسی و چالاكی تر لەخۆ دەگرێت.
ئه‌مڕۆ سه‌میر ھه‌ورامی وته‌بێژی ره‌سمی جێگری سه‌رۆك وه‌زیرانی هه‌رێمی كوردستان سه‌باره‌ت به ئامانجی سه‌ردانه‌كه، به وێستگه نیوزی راگه‌یاند: "به‌مه‌به‌ستی به‌شداریكردن له دیداری زانكۆی ئه‌مریكی له بەیروت، قوباد تاڵه‌بانی سه‌ردانی لوبنانی كردووه".
وتیشی: "له‌و دیداره‌دا قوباد تاڵه‌بانی وتارێك پێشكه‌ش ده‌كات سه‌باره‌ت به ته‌حه‌دداكانی به‌رده‌م ھه‌رێمی كوردستان و عیراق له‌رووی ئه‌منی و ئابورییه‌وه و گۆڕانكارییه‌كانی ناوچه‌كه به گشتی و هاوكات چه‌ند كۆبونه‌وه‌یه‌ك ئه‌نجام ده‌دات".
پێشنیوه‌ڕۆی ئه‌مڕۆ چوارشه‌ممه 11ی ئه‌یلولی 2019، ئه‌نجومه‌نی وه‌زیرانی هه‌رێمی كوردستان كۆبونه‌وه‌ی ئاسایی خۆی سازكرد، به‌ڵام به‌هۆی سه‌ردانه‌كه‌ی بۆ لوبنان، قوباد تاڵه‌بانی ئاماده‌ی كۆبونه‌وه‌كه نه‌بوو.
PM:09:34:11/09/2019
ئه‌م بابه‌ته 588
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت