دوو تۆمه‌تبار ده‌ستگیركران كه هه‌ڕه‌شه‌ی كوشتنیان له هاوڵاتییه‌ك كردبوو
وێستگه نیوزـ
پۆلیسی پێنجوێن سه‌ربه به‌ڕێوه‌به‌رایه‌تیی پۆلیسی سلێمانی ده‌ستگیركردنی دوو تۆمه‌تباری راگه‌یاند كه داوای سه‌رانه‌یان له هاوڵاتییه‌ك كردووه و هاوكا تهه‌ڕه‌شه‌ی كوشتنیشیان لێكردوه.
به‌ڕێوه‌به‌رایه‌تیی پۆلیسی سلێمانی رایگه‌یاند مه‌فره‌زه‌كانی به‌شی پۆلیسی پێنجوێن دوو تۆمه‌تباریان ده‌ستگیركرد كه هه‌ڕه‌شه‌ی كوشتن و سوتاندنی ماركێتێكیان له هاوڵاتییه‌ك كردبوو.
پۆلیسی سلێمانی رایگه‌یاندوه: هاوڵاتییه‌ك به‌ناوی (ن،خ، م) له‌به‌شی پۆلیسی پێنجوێن سكاڵای تۆماركرد كه دوو تۆمه‌تبار هه‌ڕه‌شه‌ی كوشتن و سوتاندنی ماركێته‌كه‌یان لێكردووه ئه‌گه‌ر پاره‌یان وه‌ك سه‌رانه پێنه‌دات.
رونیشیكردوه‌ته‌وه: دوای وه‌رگرتنی فه‌رمانی دادوه‌ر، به‌شی پۆلیسی پێنجوێن لێكۆڵینه‌وه‌كانی ده‌ستپێكردوو توانرا له‌ماوه‌ی دوو كاتژمێردا هه‌ردوو تۆمه‌تباره‌كه ده‌ستگیربكه‌ن، له‌ئێستاشدا هه‌ردوو تۆمه‌تبار (ك ،ف، ق) له‌دایكبووی 1981 و (ر،ل،ح) له‌دایكبووی 1997 به فه‌رمانی دادوه‌رو به‌پێی مادده‌ی 430 له‌یاسای سزادانی عیراقی ڕاگیراون و لێكۆڵینه‌وه له‌گه‌ڵیاندا به‌رده‌وامه.
PM:05:27:10/09/2019
ئه‌م بابه‌ته 1252
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت