به‌رزترین پله‌ی گه‌رمای تۆماركراو بۆ ئه‌مڕۆ شه‌ممه‌


وێستگه‌ نیوزـ

كه‌شناسی هه‌رێمی كوردستان به‌رزترین پله‌ی گه‌رمای ئه‌مڕۆی راگه‌یاند و ئاشكرایكرد له‌ قه‌زای خانه‌قین به‌رزترین پله‌ی گه‌رما تۆماركراوه‌ كه‌ گه‌یشتوه‌ته‌ 49 پله‌ی سه‌دی.

به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان له‌ راگه‌یه‌نراوێكدا، كه‌ وێنه‌یه‌كی ده‌ست وێستگه‌ نیوز كه‌وتووه‌، رایگه‌یاند كه‌ ئه‌مڕۆ شه‌ممه‌ 24ی ئابی‌ 2019، پله‌كانی گه‌رما له‌ هه‌ندێك ناوچه‌ی‌ هه‌رێم به‌ڕێژه‌یه‌كی به‌رچاو به‌رزبۆته‌وه‌ و له‌ "شارۆچكه‌ی خانه‌قین و ناوچه‌ی مه‌یدان به‌رزترین پله‌ تۆماركراوه‌ كه‌ 49 پله‌ی‌ سه‌دی‌ بووه‌ و دوای ئه‌ویش كه‌لار بووه‌ كه‌ 46 پله‌ی‌ سه‌دیی تۆماركردوه‌".

كه‌شناسی‌ ده‌ڵێت: "له‌ شاره‌كانی هه‌ولێر 41 پله‌، سلێمانی‌ 40  پله‌، هه‌ڵه‌بجه‌ 43 و دهۆك 40 و كه‌ركوك 45 پله‌ی‌ سه‌دی‌ تۆماركراوه‌".

ئاماژه‌شی‌ به‌وه‌دا كه‌ له‌ حاجی‌ ئۆمه‌ران پله‌كانی گه‌رما نزمترینی تۆماركردووه‌ كه‌ 32 پله‌ی‌ سه‌دی‌ بووه‌ و له‌ ئه‌مڕۆدا فێنكترین ناوچه‌ی هه‌رێم بووه‌.


PM:05:52:24/08/2019




ئه‌م بابه‌ته 1196 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت