ئاسایشی سلێمانی دەستگیرکردنی 8 کەسی راگەیاند
وێستگە نیوز-
بەڕێوەبەرایەتی ئاسایشی پارێزگای سلێمانی , بەمەبەستی پاراستنی سەرو ماڵی هاوڵاتیان و نەهێشتنی هەموو جۆرە دیاردەیەكی دزیكردن.
ئەمڕۆ چوارشەممە بەڕێوبەرایەتی ئاسایشی پارێزگای سلێمانی بڵاویکردووەتەوە "هێزەكانی ئاسایشی سلێمانی ، توانیان ڕۆژی 9ی تەممموزی 2019 حەوت كەسیان دەستگیرکرد بە فەرمانی دادوەری لێكۆڵینەوە و بەپێی ماددەی (446) لەیاسای سزادانی عێراقی ، بەناوەكانی ( ا , ع, ك ) لەدایك بوی ساڵی 1999 , ( ا , ا ,ص ) لەدایكبووی 2002 ، ( ا , ع , ح ) لەدایكبووی 2002 ، ( ا , ع , ع ) لەدایكبووی 1999 ، ( ب , م , ف ) لەدایكبووی 1997 ، ( ع , ع , ر ) لەدایكبووی 1966 ، ( ر , ع , م ) لەدایكبووی 1992 ، بەتۆمەتی دزین و فرۆشتنی ئاسن و فافۆنی جەزرە وەصەتی كە دانراون بۆ سەلامەتی گیانی شۆفێران لە شەقام و ڕێگاو بانەكانی شاری سلێمانی ، دوای لێكۆڵینەوە لەگەڵیاندا ڕوبەڕوی یاسا كرانەوە ".
بەڕێوەبەرایەتی ئاسایشی پارێزگای سلێمانی ئاماژەی بەوەشداوە "بەمەبەستی پاراستنی سەرو ماڵی هاوڵاتیان و نەهێشتنی هەموو جۆرە دیاردەیەكی دەستبڕین و فێڵكردن , هێزەكانی ئاسایشی سلێمانی ، توانیان ڕۆژی 7ی تەمموزی 2019 كەسێك دەستگیربكەن بە فەرمانی دادوەری لێكۆڵینەوە و بەپێی ماددەی (456) لەیاسای سزادانی عێراقی ، بەناوی ( م , م , ح ) لەدایك بوی ساڵی 1970 , بەتۆمەتی فێڵ كردن لە كەم ئەندامان و خانەنشینان و وارسی شەهید ، ماوەی دوو ساڵە سیم كارتی بێ سەرەتایی كڕیوە لە كەركوك ، بەم سیم كارتانە تەلەفونی كردوە بۆ هاوڵاتیان سەرەتا پرسیاری لێكردوون موچەخۆرن سەربەچی وەزارەتێكن خۆی كردووە بە كارمەندی ئەو وەزارەتە و پێی وتوون پارەی كۆكراوەت بۆ هاتووە یاخوود موچەكەتمان بۆ زیاد كردوون ، وەك بەخشیش (4 بۆ 5 ) كارتی (25000) بیست و پێنج هەزاری موبایلمان بۆ بنێرە ، دوای لێكۆڵینەوە , تۆمەتبار ڕوبەڕوی یاسا كرایەوە".
AM:11:45:24/07/2019
ئهم بابهته 3036
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت