ڕۆژئاوای کوردستان.. شەڕێکی سەخت لەنێوان شەرڤانان و سوپای تورکیا بەڕێوەدەچێت
وێستگە نیوز-
لە گوندەكانی ناوچەی شەرای عەفرینی رۆژئاوای کوردستان شەڕێكی سەخت بەڕێوە دەچێت.
کەمەێک لەمەوبەر ئاژانسی فورات نیوز بڵاویکردووەتەوە "ئێوارەی ئەمرۆ سوپای توركیا و چەکدارە هاوپەیمانەکانی هێرشیان كردەسەر گوندەكانی سەربە ناوچەی شەرای عەفرین، شەڕو لەو ناوچەیەدا دروست بووە".
ئاژانسەکە ئاماژەی بەوەداوە "سوۆای تورکیا هێزی زۆری هێناوەتە ناوچەکە و ئێستاش شەڕەکە سەخت تر بوە و بەردەوامە".
ئەوەش دوای ئەوە دێت کە لە دوانیوەڕۆی ئەمڕۆوە سوپای توركیا چەکدارە هاوپەیمانەکانی بەچەكی قورس هێرشیان كردە سەر گوندەكانی شوارقا، مالكییە، قەڵای شوارقا و مارانێز-ی سەر بە ناوچەی شەرای عەفرین، لەگوندی مارانێز شەڕ لەنێوان سوپای تورك و هێزەكانی خۆپاراستنی هەرێمی دروست بوو و تا کاتی ئامادەکردنی ئەم هەواڵە شەڕێكی سەخت لەناوچەكەدا بەڕێوەدەچێت.
PM:08:08:20/07/2019
ئه‌م بابه‌ته 7308
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت