فه‌توای‌ حه‌رامكردنی‌ یاری‌ په‌بجی‌ درا


وێستگه‌ نیوز – 
به‌له‌به‌رچاوگرتنی‌ ئه‌و توندوتیژییانه‌ی تیایدایه‌، ژماره‌یه‌ك پیاوی‌ ئاینی‌ ئینده‌نوزی‌ فه‌توای‌ حه‌رامكردنی‌ یاری‌ به‌ناوبانگی‌"PUBG" په‌بجی‌-یان دا.

ئه‌مڕۆ چوارشه‌ممه‌ 19ی‌ حوزه‌یرانی‌ 2019 ژماره‌یه‌ك پیاوی‌ ئاینی‌ له‌ هه‌رێمی‌ ئاچه‌ی‌ دوورگه‌ی‌ سۆمه‌تره‌ی‌ ئینده‌نوزیا  فه‌توای‌ حه‌رامكردنی‌ یاری‌ به‌ناوبانگی‌"PUBG" په‌بجی‌-یان دا و پێیانوایه‌ ئه‌و توندوتیژییانه‌ی‌ تیایه‌تی‌ پێَچه‌ووانه‌ی‌ ئاینی‌ ئیسلامه‌ و یاریزانه‌كانی‌ ئالووده‌ ده‌كات.

ئه‌نجومه‌نی‌ زانایانی‌ ئاینی‌ هه‌رێمی‌ ئاچه‌ی‌ دوورگه‌ی‌ سۆمه‌تره‌ رایانگه‌یاند كه‌ ئه‌م فه‌توایه‌ و یارییه‌ هاوشێوه‌كانی‌ حه‌رام ده‌كات چونكه‌ "ده‌بنه‌ هانده‌ر بۆ توندڕه‌وی‌ و گۆڕینی‌ ره‌فتار و هه‌ڵسووكه‌وتی‌ مرۆڤه‌كان.

ئاماژه‌شیان به‌وه‌دا كه‌ به‌دوورنازانرێت فه‌تواكه‌ هه‌مواربكرێته‌وه‌ تا ژماره‌یه‌ك یاری ئه‌لیكترۆنی‌ تر بگرێته‌وه‌.

فه‌یسه‌ڵ‌ عه‌لی‌ ئه‌ندامی‌ ئه‌نجومه‌نه‌كه‌ ده‌ڵێت: "منداڵانی‌ هه‌رێمه‌كه‌ ئالووده‌ی‌ یارییه‌كه‌ بوون و كاتێك هه‌وڵده‌درێت رێگرییان لێبكرێت، یارییه‌كه‌ نه‌كه‌ن، كاردانه‌وه‌ی توندوتیژیان هه‌یه‌".

ئه‌م فه‌توایه‌ دوای‌ ئه‌وه‌ دێت كه‌ له‌ هه‌ریه‌ك له‌ عیراق و نیپاڵ‌ و ویلایه‌تی‌ كجراتی‌ هندستان بڕیاری‌ قه‌ده‌غه‌كردنی‌ یارییه‌كه‌ ده‌ركراوه‌.
یاری پەپجی یاریەکی ئەلکترۆنییە و زۆرێک لە گەنجانی جیهان و هەرێمی کوردستانی سەرقاڵ کردووە بەخۆیەوە، یاریەکە لە ئاستی جیهاندا کاری پێدەکرێت و بەشێوەی ئۆنلاینە و چەند کەسێک وەک گروپ دەتوانن هاوشانی یەکدی یاری بکەن.



PM:06:43:19/06/2019


ئه‌م بابه‌ته 5584 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو