فه‌رمانگه‌كانی پاسپۆرت ده‌وام درێژ ده‌كه‌نه‌وه‌


وێستگه‌ نیوزـ

به‌ڕێوه‌به‌رایه‌تیی كاروباری پاسپۆرت له‌ عیراق بڕیاریدا ماوه‌ی ده‌وامی رۆژانه‌ له‌ به‌غدای پایته‌خت و سه‌رجه‌م پارێزگاكانی دیكه‌ی عیراق درێژ بكاته‌وه‌.

به‌ڕێوه‌به‌رایه‌تیی كاروباری پاسپۆرت له‌ عیراق به‌یاننامه‌یه‌كی له‌وباره‌یه‌وه‌ بڵاوكرده‌وه‌ و رایگه‌یاند كه‌ هۆكاری درێژكردنه‌وه‌ی ده‌وام بۆئه‌وه‌یه‌ كاروباری هاوڵاتیان به‌ ئاسانتر رایی بكرێت و كۆنترۆڵی ئه‌و قه‌ره‌باڵغییه‌ش بكرێت كه‌ له‌سه‌ر به‌ڕێوه‌به‌رایه‌تییه‌كانی پاسپۆرت هه‌یه‌.

له‌ به‌یاننامه‌كه‌دا هاتووه‌ كه‌ بڕیاره‌ ده‌وامی فه‌رمی له‌ به‌ڕێوه‌به‌رایه‌تییه‌كانی پاسپۆرتی به‌غدا و سه‌رجه‌م پارێزگاكانی دیكه‌ی عیراق له‌ كاتژمێر 8ی سه‌رله‌به‌یانی ده‌ستپێبكات و بۆ 6ی ئێواره‌ به‌رده‌وام بێت.

ده‌شڵێت بڕیاره‌كه‌ هۆكار ده‌بێت بۆ به‌ئه‌نجامگه‌یاندنی زۆرترین مامه‌ڵه‌ی هاوڵاتیان و كارئاسانی كردن بۆیان.


PM:06:47:16/06/2019


ئه‌م بابه‌ته 8312 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت