مایک پۆمپیۆ و عادل عەبدولمەهدی پەیوەندییەکی تەلەفۆنییان ئەنجامدا
مایک پۆمپیۆ و عادل عەبدولمەهدی
وێستگه نیوز ـ
وەزیری دەرەوەی ئەمریکا پەیوەندییەکی تەلەفۆنی لەگەڵ سەرۆک وەزیرانی عیراق ئەنجامدا و تیایدا باس لە گرژییەکانی نێوان ئێران و ئەمریکا کرا.
بەگوێرەی بەیاننامەیەکی نووسینگەی سەرۆک وەزیرانی عیراق، "عادل عەبدولمەهدی لەلایەن مایک پۆمپیۆوە پەیوەندی پێوەکراوە و تیایدا گفتوگۆ لەسەر پتەوکردنی پەیوەندییەکانی هەردوو وڵات کراوە و بیروڕا ئاڵوگۆڕکراوە لەبارەی پێشهاتەکانی ناوچەکە لە گرژییەکانی نێوان ئەمریکا و ئێران".
بهپێی بهیاننامهكه، پۆمپیۆ هەڵوێست و رۆڵی عیراقی بەرزنرخاندووە لەگەڵ هەوڵەکانی بۆ پاراستنی ئاسایش و سەقامگیری ناوچەکە و خۆبەدوورگرتن لە گرژییەکان، هەروەها بەردەوامی ههماهەنگی نێوان هەردوو وڵات لەدژی تیرۆر.
هەر بەگوێرەی بەیاننامەکە، عادل عەبدولمەهدی هەڵوێستی عیراقی لەبارەی گرژییەکان روونکردووەتەوە و باسی لە هەوڵی هێورکردنەوە و پاراستنی بەرژەوەندی گەلان و وڵاتانی ناوچەکەی کردووە.
هــ. ر
PM:09:54:14/06/2019
ئهم بابهته 1800
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت