مه‌سرور بارزانی بۆ پێكهێنانی كابینه‌ی نۆیه‌م راسپێردرا
وێستگە نیوز -
نێچیرڤان بارزانی، سه‌رۆكی هه‌رێمی كوردستان، ئه‌مڕۆ چوارشه‌ممه، 12ی حوزه‌یرانی 2019، به مه‌رسوومی هه‌رێمی، مه‌سرور بارزانی، بۆ پێكهێنانی كابینه‌ی نۆیه‌می حكوومه‌تی هه‌رێمی كوردستان راسپارد.
مه‌سرور بارزانی، له‌لایه‌ن فراكسیۆنی پارتی دیموكراتی كوردستانه‌وه ناوزه‌دكرا و له په‌رله‌مانی كوردستانیش، به كۆی ده‌نگی 87 په‌رله‌مانتار له 97 په‌رله‌مانتاری ئاماده‌بووی به‌ده‌ستهێناوه.
به گوێره‌ی په‌یڕه‌وی ناوخۆی په‌رله‌مانی كوردستان، ته‌نها 30 رۆژ له‌به‌رده‌م مه‌سرور بارزانی-دا هه‌یه بۆ ئه‌وه‌ی كابینه‌ی نۆیه‌م پێكبهێنێت.
له رێوڕه‌سمی راسپاردنی مه‌سرور بارزانی بۆ پێكهێنانی كابینه‌ی نوێ، هه‌ریه‌ك له سه‌رۆكی په‌رله‌مانی كوردستان و سه‌رۆكی ئه‌نجوومه‌نی باڵای دادوه‌ری ئاماده‌بوون.
PM:02:37:12/06/2019
ئه‌م بابه‌ته 2004
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت