پۆلیسی راپەڕین: دوو گەنج دەستگیرکران کە دزیان لەمزگەوت کردبو

‌وێنەی ئەو دوو کەسەی دزییەکەیان ئەنجامداوە

وێستگە نیوز-
پۆلیسی راپەڕین رایدەگەێنێت "لە شارۆچکەی حاجیاوای سەر بە قەزای رانیە دوو کەس بە تۆمەتی دزیکردن دەستگیرکران و دانیان ناوە بە تاوانەکەیان".

شۆڕش ئیسماعیل، وتەبێژی پۆلیسی راپەڕین بە رووداوی راگەیاندوە "دوای ئەوەی هەواڵدەرێک سەردانی بنکەی پۆلیسی ماکۆکی کرد لە حاجیاوا و رایگەیاند کە دزی لە مزگەوتی گۆڕستانی گشتی حاجیاوا کراوە و دەرگاکانی مزگەوتەکە و هەندێک کەلوپەلی ئاسنی مزگەوتەکە لێکراوەتەوە، دەست بەجێ رێکاری یاسایی گیرایە بەر و مەلەفی لێکۆڵنەوە کرایەوە و بڕیاری دادوەر بەدەستهات بۆ دۆزینەوە و دەستگیرکردنی تۆمەتباران".

شۆڕش ئیسماعیل ئاماژەی بەوەداوە "دوای هەوڵدان و بەدواداچوون لەلایەن هێزەکانمان لە بنکەی پۆلیسی ماکۆک دوو کەس دەستگیرکران کە هەردووکیان تەمەنیان لە خوار 18 ساڵە و لە رەگەزی نێرن و دانیشتووی حاجیاوان، لە بەردەمی پۆلیس و دادگا دانیان ناوە بە تاوانەکەیان کە هەستاون بە لێکردنەوەی دەرگاکانی مزگەوتی گشتی گۆڕستانی حاجیاوا هەندێک کەلوپەلی ئاسنیان بردووە و دواتر بە ئاسنەواڵە فرۆشتویانە".

وتەبێژی پۆلیسی راپەڕین ئەوەشی وتووە ''هەردوو تۆمەتبارەکە بە بڕیاری دادوەر بەپێی ماددەی 444 لە یاسای سزادانی عێراقی راگیراون و لێکۆڵینەوە لەگەڵیاندا بەردەوامە".

هــ. ب


AM:08:51:22/05/2019


ئه‌م بابه‌ته 464 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت