پێشکەشکارێکی یەڵا کوردی: سۆرانییەکم گووە


وێستگە نیوز-

پێشکەشکارێکی لاپەڕەی یەڵڵا کوردی سوکایەتی بە زاراوەی سۆرانی زمانی کوردی دەکات.

لاپەڕەی یەڵڵا کوردی کە لاپەڕەیەکی گەورەی تۆڕە کۆمەڵایەتییەکانە و خاوەنی ٥٣٥ هەزار فانە و رۆژانە بابەتی کۆمەڵایەتی و گەنجانە و رۆشنبیری بڵاودەکاتەوە.

لە بەرنامەیەکی نوێی ئەو لاپەڕەیەدا بەناوی "زە چالیینج" یەکێک لە پێشکەشکارەکانی ئەو بەرنامەیە بەناوی مەحممەد جێسوس سوکایەتی بە زاراوەی سۆرانی دەکات.

لەم گرتە ڤیدیۆییەدا دەردەکەوێت کە ئادەم جاسم و محەممەد جێسوس دەربارەی قسەکردن بە زمانی کوردی دەدوێن و ئادەم دەڵێت "ئەوان ئەو کاتانەی پێکەوەن، بە زمانی کوردی قسە ناکەن بەڵکو بەزمانی "عەرەبی و ئینگلیزی" قسە دەکەن".

هەروەها لە خولەکی ١:٥٠دا محەممەد جێسوس دەڵێت "من و ئادەم هەر بە عەرەبی و ئینگلیزی قسە دەکەین و ئێستا زۆر قورسە کە دەبێت بە کوردی قسە بکەین".

محەممەد جیسوس بەبێ هیچ سانسۆرێک بۆسەر دەستەواژەکانی دەڵێت "من سۆرانییەکم گووە".

بەکارهێنانی ئەو دەستەواژەیە بۆ زاراوەی سۆرانی و زمانی کوردی لەلایەن ئەو پێشکەشکارەی یەڵڵا کوردییەوە نیگەرانی زۆری بەکارهێنەرانی تۆڕە کۆمەڵایەتییەکان و هەروەها فانەکانی ئەو لاپەڕەیەشی لێکەوتووەتەوە، چونکە ئەو لاپەڕەیە ژمارەیەکی زۆر لە هەواداری هەیە، دەبو ئەو دەستەواژەیەیان بەکار نەهێنایە یاخود لەکاتی مۆنتاژکردنی ئەو پڕۆگرامەدا ئەو زاراوەیەیان بشاردایتەوە.

هــ.ب


PM:06:05:16/05/2019


ئه‌م بابه‌ته 14316 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت