هاوپەیمانی ڕاگەیەندراوێکی بڵاوکردەوە

وێستگە نیوز-

هاوپەیمانی دیموکراسی و دادپەروەری ڕاگەیەنراوێکی بڵاوکردەوە و تێیدا ئەندامان و لایەنگرانی دڵنیا دەکاتەوە پرۆژەکەیان بەردەوام دەبێت و سەرقاڵی خۆسازدان و خۆ ئامادەکردنن بۆ قۆناغێکی نوێی کاری سیاسی و لە گفتوگۆدان لەگەڵ سەرجەم لایەنەکان و بەتایبەتی یەکێتی نشتیمانی کوردستان لەپێناو دۆزینەوەی ڕێگەچارەیەک بۆ چارەسەری کێشەکانی کوردستان.

دەقی ڕاگەیەنراوەکە

ڕاگەیاندراوی وتەبێژی هاوپەیمانی دیموکراسی و داپەروەری
‎هاوڵاتیانی سەربەرزی کوردستان
‎خەڵکی هۆشمەندو تێگەیشتوو


‎لای هەموتان ئاشکرایە هاوپەیمانی بە راستگۆیی و بێ پێچ و پەنا هەڵوێستە سیاسییەکانی خۆی خستۆتەڕوو. لەمروەشەوە، بە ئاشکرا، داوای دیالۆگی نیشتمانی کردو هەر زووش لەلایەن سەرجەم هێزە ئۆپۆزسیۆن و دەسەڵاتدارەکانەوە پێشوازی لێکرا.

ووتومانە و بەبێ دوو دڵی دەیڵێینەوە کە ئەگەر و پێشهاتەکانی کوردستان و عیراق دەخوازێ لەم دۆخە سیاسە چەقبەستووە دەرباز بین .

دواتریش لەم چوارچێوەیەدا، هەنگاوی پراکتیکی بۆ نراو زنجیرەیەک کۆبونەوە بەڕێوەچووە. خۆ ئەگەر بانگەشەی هەڵبژاردن نەبوایە، رەنگە هەنگاوی گەورەتر بۆ رێکەوتنی سیاسی بەرفراوان بنرایە.

‎ئێستاش لەبەرئەوەی هاوپەیمانی بەشداری هەڵبژاردنی نەکردوە، هەربۆیە راستگۆیانە بەردەوامە لە هەنگاوەکانی و سەرقاڵی گفتوگۆیەکی تێروتەسەلی هەمەلایەنەیە لەگەڵ هێزە کوردستانی و عیراقییەکان لەپێناو کۆتاییهێنان بە قەیران و کێشەکان.

‎لەم نێوەندەشدا، لەسەر داوای کەسانی دڵسۆز و خەمخۆر و تیکۆشەرانی هاوپەیمانی و یەکێتی نیشتمانی کوردستان سەرقاڵی ئەنجامدانی رێکەوتنێکی سیاسین بە ئامانجی چارەسەرکردنی تەنگژەکان و چاککردنی باری بژێوی خەڵك و رێکخستنەوە و سازدانی تواناکانمان بۆ خزمەتی بەرژەوەندی گەل. کە چاوەڕوان دەکرێت دوای هەڵبژاردنەکان فراوان بکرێت بەرووی هێزە سیاسییەکانی دیکەدا.

‎هەرکەسیش بەهەر مەبەستێك هەوڵی شێواندنی ئەم راستییانە بدات، ئەوا درۆیەکی گەورەیەو هەوڵێکە بۆ خەڵەتاندنی خۆی و خەڵك لەپێناو کۆکردنەوەی چەند دەنگێکی کەمی هەڵبژاردن.

‎لەکۆتاییدا هاوپەیمانی دڵنیای خەڵك و هاودیدان دەکاتەوە کە پەیام و پرۆژەکەی بەردەوامەو سەرقاڵی خۆسازدان و خۆرێکخستنەوەیە بە ئاراستەی زیاتر بەهێزکردنی پێگەکەی و ئاراستەکردنی هاودیدانمان بەرەو کایەی خزمەتکردن و ریکخستنەوە و یەکخستنەوەی توانای هیزە چاکەخوازەکان. هیچ هەوڵێکی نەزۆکیش ناتوانێت ئامانجەکانی هاوپەیمانی بۆ بەدیهێنانی حوکمرانی باش و دادپەروەر رابگرێت.
‎سەرکەوتوو سەرفراز بن.


‎وتەبێژی هاوپەیمانی دیموکراسی و دادپەروەری
چواردەی ئەیلولی 2018

PM:10:51:14/09/2018

ئه‌م بابه‌ته 5352 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت