سلێمانی‌.. ڕێگری‌ له به‌رێوه‌چونی‌ چالاكییه‌ك دژی‌ ئه‌ردۆغان كرا

‌

ئه‌م ده‌سته‌یه‌ ویسیتیان قسه‌ له‌سه‌ر مه‌ترسییه‌كانی‌ ئه‌و ڕێكه‌وتنانه‌ بكه‌ن كه‌ ناوبراو ده‌یه‌وێت له‌گه‌ڵ عێراق و هه‌رێمی‌ كوردستان ئه‌نجامیبدات.

ده‌سته‌كه‌ ڕایانگه‌یاند كه‌ "ئەم جۆرە ڕێگرییانە لە سلێمانی، دیوێکی تری پێشوازیی و هەڵواسینی ئاڵای تورکیایە لە هەولێر و ڕێگەخۆشکەرە بۆ بەردەوامیی پێشێلکاریی و هێرشەکانی سوپای تورکیا".

هه‌روه‌ها ده‌شڵێن "ئەمڕۆ بەمەبەستی ئاڕاستەکردنی یاداشتێک بۆ ئۆفیسی ئەنجومەنی نوێنەرانی عێراق لە شاری سلێمانی، لەسەر پێشێلکاری و تاوانی سوپای تورکیا لە بەزاندنی سنور و داگیرکردنی خاکی باشووری کوردستان و بۆمبارانکردنی شاخ و گوند و دارستانەکانی هەرێمی کوردستان، کوشتنی خەڵکی سڤیل لە گوند و شارۆچکەکانی کوردستان، مەترسی فراوانبوونی ئەو داگیرکارییانە لەپاش هاتنی سەرۆک کۆماری تورکیا بۆ عێراق و هەرێمی کوردستان، کە هاوکاتە لەگەڵ ساڵڕۆژی ڕۆژنامەگەریی کوردیی، بەڵام هێزە ئەمنییەکانی سلێمانی ڕێگرییان کرد و ڕێگەیان نەدا یاداشتەکە ئاڕاستەی ئۆفیسی ئەنجومەنی نوێنەرانی عێراق لە سلێمانی بکەین".

هه‌روه‌ها له‌راگه‌یاندراوه‌كه‌دا هاتووه‌ "لێرەوە بە هەموو لایەکی ڕادەگەیەنین، کە ئەم جۆرە ڕێگرییانە دیوێکی تری پێشوازیی و هەڵواسینی ئاڵای تورکیایە لە هەولێر و ڕێگەخۆشکەرە بۆ بەردەوامیی پێشێلکاریی و هێرشەکانی سوپای تورکیا"

"ئێمە وەك ئەو دەستەیە لە بەرگریی و پاراستنی سەروەری نیشتمان، بەردەوام دەبین". وه‌ك له‌ڕاگه‌یاندراوه‌كه‌دا هاتووه‌.