داهاتی هه‌فته‌یه‌كی پارێزگاکانی سلێمانی و هەڵەبجە بڵاوکرایەوە
دیمه‌نێك له شاری سلێمانی
وێستگه‌نیوزـ
داھاتی نانەوتی سنوری پارێزگای سلێمانی و ھەڵەبجە لەم ھەفتەیەدا کەمتر لە ملیارێک دینار بووە و بەراورد بە ھەفتەی رابردوو 97٪ کەمیکردووە.
بەگوێرەی ماڵپەڕی شەفافیەت کە تایبەتە بە بڵاوکردنەوەی داھاتی نانەوتی پارێزگاکانی سلێمانی و ھەڵەبجە و ئیدارە سەربەخۆکانی گەرمیان و راپەڕین، لە رۆژانی 6 تا 12ـی نیسان کە رۆژانی یەکشەممە و دووشەممە دەوامی بەڕێوەبەرایەتییەکانی کۆکردنەوەی داھات تیایدا ھەبووە، داھاتی ئەو سنوورە لەو ماوەیەدا 849 ملیۆن و 422 ھەزار دینار بووە.
بەڵام داھاتی ھەفتەی رابردووی ھەمان سنوور 31 ملیار و 627 ملیۆن و 544 ھەزار دیناربووە، بەوپێیەش داھاتی ئەم ھەفتەیە بەراورد بە ھەفتەی رابردوو 97٪ کەمیکردووە.
PM:12:09:12/04/2024
ئه‌م بابه‌ته 868
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت