سبه‌ینێ ئه‌نجومه‌نی وه‌زیران له باره‌ی مووچه‌ی مانگی شوبات كۆده‌بێته‌وه
وێستگه‌نیوزـ
سبه‌ینێ ئه‌نجومه‌نی وه‌زیرانی هه‌رێمی كوردستان بۆ گفتوگۆ كردن له باره‌ی پرسی مووچه‌ی مانگی شوبات كۆده‌بێته‌وه.
بەپێی زانیارییەکان، سبه‌ینێ چوارشه‌ممه 27ی ئاداری 2024، ئه‌نجومه‌نی وه‌زیرانی هه‌رێمی كوردستان كۆبوونه‌وه‌ی ئاسایی خۆی ئه‌نجام ده‌دات و پرسی سه‌ره‌كی كۆبوونه‌وه‌كه گفتوگۆكردنه له باره‌ی مووچه‌ی مانگی شوبات.
سەمیر هەورامى، وتەبێژى قوباد تاڵەبانی جێگرى سەرۆکى حکومەتى هەرێمى کوردستان رایگەیاندووە: "تیمى یەکێتیى نیشتمانیى کوردستان بەشداریى کۆبوونەوەکەى سبەینێ چوارشەممە 27ی ئاداری 2024، ئەنجوومەنى وەزیران دەکات".
ئەوە لەکاتێکدایە، 55 رۆژە مووچەى مانگى شوباتى 2024 نەدراوە، سەرەڕای گەیشتنی بەشێک لە پارە لە بەغداوە، بەڵام تائێستا مووچە دابەشنەکراوە، تیمى یەکێتی، پارتى دیموکراتى کوردستان بەدەستبەسەراگرتنى ئەو پارەیە تۆمەتبار دەکات کە بەغدا بۆ مووچەى مانگى شوبات ناردوویەتى و دەڵێت: لە کۆبوونەوەى هەفتەى رابردووى ئەنجوومەنى وەزیراندا دەنگیان بە دابەشنەکردنى مووچە نەداوە.
PM:12:13:26/03/2024
ئه‌م بابه‌ته 1280
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت