به‌غدا 37 ملیار دینار موچه‌ی شه‌هیدان و ئه‌نفالكراوانی ره‌وانه‌ی هه‌رێم كرد
وێستگه نیوزـ
وه‌زاره‌تی دارایی حكومه‌تی فیدراڵ زیاترله 37 ملیار دیناری خسته‌سه‌ر هه‌ژماری وه‌زاره‌تی دارایی هه‌رێم له بانكی ناوه‌ندی، له نوسراوی ره‌وانه‌كردنی پاره‌كه‌دا هاتووه كه ئه‌و بره بۆ موچه‌ی كه‌سوكاری شه‌هیدان و ئه‌نفالكراوانه.
وه‌زاره‌تی دارایی عێراق به نوسراوی 7334 كه ئه‌مڕۆ چوارشه‌ممه 20ی ئازار ده‌ریكردوه، داوای له یه‌كه‌ی سیستمی خه‌رجكردن له وه‌زاره‌ته‌كه‌ی كردوه، ئه‌و بره پاره‌یه بخاته‌سه‌ر هه‌ژماری وه‌زاره‌تی دارایی هه‌رێم له بانكی ناوه‌ندی.
له نوسراوه‌كه‌دا هاتوه كه زیادكردنی ئه‌و بره پاره‌یه بۆ هه‌ژماری هه‌رێم له‌سه‌ر راسپارده‌ی سه‌رۆك وه‌زیران و وه‌زیری دارایی عێراق و داواكای حكومه‌تی هه‌رێم بووه.
PM:03:03:20/03/2024
ئه‌م بابه‌ته 2236
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت