له‌ رووداوێكی هاتووچۆدا حه‌وت كه‌س بریندار بوون

‌

وێستگه‌ نیوز-
به‌ڕێوه‌به‌رایه‌تی هاتوچۆی گه‌رمیان رایگه‌یاند كه‌ له‌سه‌ر ڕێگای كه‌لار- مه‌رزی په‌روێزخان به‌هۆی پێكدادانی دوو ئۆتۆمبێله‌وه‌ حه‌وت كه‌س برینداربوون.

له‌ راگه‌یه‌ندراوێكدا هاتووچۆی گه‌رمیان ئاماژه‌ی‌ به‌وه‌دا كه‌ ئه‌مڕۆ شه‌ممه‌ 20ی‌ كانوونی‌ دووه‌می‌ 2024 له‌سه‌ر ڕێگای كه‌لار- مه‌رزی نێوده‌وڵه‌تی په‌روێزخان دوو ئۆتۆمبێل پێكیاندادا".

هاتووچۆی گه‌رمیان ده‌ڵێت: "ئۆتۆمبێله‌كان له‌ جۆری‌ تۆیۆتا مینی پاس و كیا بارهه‌ڵگر بوون.

ئه‌وه‌شی‌ خسته‌ڕوو كه‌ "به‌هۆیه‌وه‌ هه‌ر دوو شۆفێركه‌ و پێنج سه‌رنشین برینداربوون".

روونیشیكرده‌وه‌ كه‌ "برینداره‌كان گواسترانه‌وه‌ بۆ نه‌خۆشخانه‌ی فریاكه‌وتنی شه‌هید هه‌ژار له‌ كه‌لار.

هاتووچۆی گه‌رمیان راشیگه‌یاند كه‌ تیمی هاتووچۆ لێكۆڵینه‌وه‌یان له‌ ڕووداوه‌كه‌ ده‌ستپێكردووه‌ به‌مه‌به‌ستی زانینی هۆكار و چۆنیه‌تی ڕوودانی ڕووداوه‌كه‌.

AM:11:38:20/01/2024