هاوپهیمانی عهرهبی له كهركوك: لهگهڵ توركمانهكان له ههماههنگیداین و پۆستی پارێزگار بۆ ئێمه دهبێت
وێستگه نیوزـ
حاتهم تائی، وتهبێژی هاوپهیمانی عهرهبی له كهركوك ئهمڕۆ شهممه ئاشكرایكرد كه لهگهڵ پێكهاتهی توركمان له ههماههنگیدان تا بتوانن زۆرینهی كورسییهكانی ناو ئهنجومهنی پارێزگای كهركوك بهدهست بهێنن و پۆستی پارێزگار وهربگرن.
له لێدوانێكدا بۆ سایتی بهغدادئهلیهوم، ناوبراو رهتیكردوهتهوه هیچ جیابونهوهو لێكترازانێك لهناو هاوپهیمانیی عهرهبی له كهركوكدا ههبێت و وتی: پێكهاتهی عهرهبی خاوهنی 6 كورسییه لهناو ئهنجومهنی پارێزگای كهركوك و ئێستاش ههوڵی لێكگهیشتنی دیكه دهدات تا بتوانێت ببێته زۆرینهی ناو ئهنجومهنهكه و بتوانێت پارێزگار دیاری بكات.
بهوتهی تائی" پۆستی پارێزگاری كهركوك بۆ پێكهاتهی عهرهب دهبێت و قۆناغی داهاتووش سهقامگیرییهكی گهوره بهخۆیهوه دهبینێت، چونكه كهركوك له ماوهی داهاتوودا پێویستی بهو سهقامگیرییهیه".
ئەمەش لەکاتێکدایە بەپێی ئەنجامی کۆتایی هەڵبژاردنی ئەنجومەنی پارێزگاکانی عیراق كه له 18ی تشرینی دووهمی 2023 سازكرا، یەکێتیی نیشتمانیی کوردستان لە چوارچێوەی هاوپەیمانی کەرکوک هێز و ئیرادەمانە لەگەڵ حزبی شیوعی کوردستان لە پارێزگای کەرکوک توانی زۆرترین دەنگ بەدەستبهێنێت و ببێتە خاوەنی 5 کورسی ئەنجومەنی پارێزگاکە، پارتی دیموکراتی کوردستانیش توانی 2 کورسی ئەنجومەنی پارێزگاکە بەدەستبهێنێت.
هاوكات پێكهاتهی عهرهب لهچوارچێوهی هاوپهیمانێتییهكدا بوونهته خاوهنی 6 كورسی و توركمانیش 2 كورسیی ههیه، عهرهبهكانی كهركوك دهیانهوێت به پێكهێنانی هاوپهیمانی لهگهڵ توركمان 8 كورسی كۆبكهنهوهو ببنه زۆرینهی ئهنجومهنی پارێزگای نوێ و لهوێشهوه پۆستی پارێزگار بهدهست بهێنن یهك كورسیش تایبهت به كۆتای مهسیحییهكان.
PM:01:54:13/01/2024
ئهم بابهته 1828
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت