پۆلیسی ڕاپەڕین :ئەو کەسەی خانووی هاوڵاتیەکی لە قەزای حاجیاوا سوتاند دەستگیرکرا
وێستگه نیوزـ
پۆلیسی راپه‌ڕین رایگه‌یاند: چەند مانگێک لەمەوبەر دزێک چووه باخی هاوڵاتیەک لەقەزای حاجیاوا هاردی کامێرای چاودێری دزیوە دواتر خانوو و ماڵی ناوباخەکەی سوتاند و زیانێکی زۆری پێگەیاند.
له راگه‌یه‌ندراوێكدا پۆلیسی راپه‌ڕین ده‌ڵێت: دوای سکاڵای هاوڵاتیەکە مەلەفی لێکۆلێنەوە بۆ ڕوداوەکەکرایەوە و پۆلیس توانی دواتر دزەکە دەستگیر بکەن.
" شەوی ڕابردوو لەکاتی دانانی چەند بازگەیەکی کاتی لە سنوری ئیدارەی ڕاپەڕین، دوای ئەوەی دەرکەوت تۆمەتبارەکە بە ئۆتۆمبیلەکەی لە نێوان بازگەکانی ڕانیە-چوارقوڕنە تێپەڕبووە دواتر لەلایەن هێزەکانی پۆلیس تۆمەتبارەکە ناسرایەوە و دەستبەجێ لەلایەن بنکەی پۆلیسی ماکۆک لەقەزای حاجیاوا تۆمەتبارەکە دەستگیر کرا." پۆلیسی راپه‌ڕین وای وتوه.
ئاشكراشیكردوه، تۆمەتبارەکە بەناوی (ع، م، م ) لە ڕەگەزی نێر تەمەن ٤۱ ساڵە مەلەفی لێکۆڵینەوەی بۆ کراوەتەوە.
PM:10:02:10/09/2023
ئه‌م بابه‌ته 1172
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت