لەهەولێر شۆفێرێکی "سەرخۆش بەخێراییەکی زۆر" خۆی بەتەکسییەکدا دەکێشێت

‌

وێستگەنیوز-

بەڕێوەبەرایەتی هاتوچۆی هەولێر بڵاویکردەوە، بەرەبەیانی ئەمڕۆ لەسەر ڕێگای هەولێر - کەسنەزان بەهۆی "سەرخۆشبونی" شۆفێرێك بەخێراییەکی زۆر خۆی بەتەکسییەکدا کێشاوە و بەهۆیەوە سێ کەس برینداربوون.

فازڵ حاجی، وتەبێژی هاتوچۆی هەولێر لەراگەیەنراوێکدا باسی لەوەشکردوە، کاتژمێر 4:00ی بەرەبەیانی ئەمڕۆ لەسەر ڕێگای هەولێر کەسنەزان، لەسایدی هاتن بۆناو شار پێکدادانێک ڕویدا لە نێوان ڕاڤ فۆڕێکی تایبەت و تاکسیەک، لەئەنجامی ڕوداوەکەش 3 کەس بەسەختی بريندار بوون.

ئاماژەی بەوەشكردوە، لەکاتی لێکۆلینەوەدا دەرکەوت یەکێک لەشوفێرەکان کەشوفێری ڕاڤ فۆرەکە بوە "سەرخۆش بوە و بەخێراییەکی زۆر لێیخوڕیوە"، بۆیە کاتێک گەیشتوەتە نزیک تاکسیەک کەلەپێشی بوە، بێ هیچ کەمکردنەوەیەکی خێرایی لەپشتەوە خۆی پێدا کێشاوە.
May be an image of outdoors