یەکینکەکانی بەرخۆدانی شنگال داوادهكات تێكهڵی سوپای عێراق بكرێت
دیمەنی هێزی چەکدار لە شنگال
وێستگە نیوز-
كەمێك پێش ئێستا كۆبوونەوەیەكی شاندی سوپای عێراق و ئاسایشی ئێزدیخان و یەكینەكانی بەرخۆدانی شەنگال، لە شەنگال كۆتایی هات كە تایبەت بوو بە گفتوگۆكردن دەربارەی ئەو بڕیارەی حكومەتی عێراق دەریكردووە، تا ئەو هێزانە ناوەند و چیای شەنگال، چۆڵ بكەن.
غەیاس سورچی بەرپرسی راگەیاندن و پەیوەندییەكانی مەڵبەندی موسڵی یەكێتی، دهڵێت، "لە كۆبوونەوەكەدا شاندی هێزەكانی شەنگال داوایكردووە هێزەكانی یەكینەكانی بەرخۆدانی شەنگال بە تەواوی بخرێنە سەر حەشدی شەعبی و ئاسایشی ئێزیدخانیش بخرێنە سەر سوپای عێراق و پۆلیسی فیدراڵی".
وتیشى، "داواكارییهكی دیكەی شاندەكەی شەنگال ئەوەبووە، ئەو كەسانەی لە ناو ریزەكانی پەكەكەدان و لە شەنگالن ئەگەر رەگەزنامەی عێراقییان هەبێت و خەڵكی شەنگال، بن بۆیان هەبێت بچنە ناو ریزەكانی سوپای عێراق، ئەوانی دیكە كە خەڵكی پارچەكانی دیكەی كوردستانن ناوچەكە چۆڵبكەن"
PM:09:02:01/04/2021
ئهم بابهته 2136
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت