جێگری پارێزگاری موسڵ: مۆڵەتی چوار رۆژ بە چەكدارە نایاساییەكان دراوە شنگال چۆڵ بكەن
وێستگە نیوز-
عەلی عومەر، جێگری پارێزگای موسڵ رایدەگەیەنێت، ئۆپەراسیۆنی پاككردنەوەی شنگال لە چەكدارە نایاساییەكان بۆ ماوەی چوار رۆژ راگیراوە، ئەوەش وەك دەرفەتێك بۆ چۆڵكردنی قەزاكە.
عەلی عومەر جێگری پارێزگای موسڵ بۆ ئاژانسی ئانادۆڵ رایگەیاندووە "ئۆپەراسیۆنی پاككردنەوەی شنگال لە چەكدارەكان بۆ ماوەی چوار رۆژ ھاتووەتە راگرتن و ئەو چەند رۆژە وەك دەرفەتێكە كە بەو ھێز و چەكدارانە دراوە بۆ ئەوەی شنگال چۆڵ بكەن یا چەكەكانیان دابنێن".
ناوبراو ئاماژەی بەوەكردووە "ئەگەر ئەو ھێز و چەكدارە نایاساییانە لە شنگال بكشێننەوە ئەوا ئوپەراسیۆن رادەوستێت ئەگەر نا ئوپەراسیۆنەكە لە یەكی مانگدا دەستی پێدەكرێت".
بەمەبەستی سەرپەرشتیكردنی بەندەكانی نێو رێككەوتنی نێوان ھەردوو حكومەتی فیدراڵ و ھەرێمی كوردستان سەبارەت بە شنگال، دوێنی شاندێكی باڵای ئەمنیی عێراق گەیشتە پارێزگای نەینەوا و دواتر سەردانی لیوای ٩٢ی سوپای عێراق و ھێڵی سنووریی عێراق لەگەڵ سووریایان كرد.
PM:07:19:26/11/2020
ئهم بابهته 852
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت