‌دوو دز پلانێكی گه‌مژانه‌ داده‌نێن

وێستگە ستایل-

دوو پیاو به‌ مه‌به‌ستی بڕینی دوكانێكی تایبه‌ت به‌ گۆڕینه‌وه‌ی‌ دراو له‌ شاری زه‌رقا له‌ وڵاتی ئه‌رده‌ن، پاش ئه‌وه‌ی‌ سه‌ركه‌وتوو نه‌بوون له‌و پلانه‌ی‌ بۆ دزینی بانكه‌كه‌ دایان نابوو، ئاگریان به‌ردا له‌ دوكانه‌كه‌.

به‌گوێره‌ی‌ ئه‌و هه‌واڵه‌ی‌ ڕاگه‌یاندنه‌كانی وڵاتی ئه‌رده‌ن بڵاویكردۆته‌وه‌ تیایدا هاتووه‌، هه‌ردوو پیاوه‌كه‌ هه‌وڵی ئه‌وه‌یانداوه‌ به‌ ده‌مانچه‌ی‌ پلاستیكی كاره‌كه‌یان بكه‌ن و كارمه‌نده‌كان بترسێنن، به‌ڵام پاش ئه‌وه‌ی‌ سه‌ركه‌وتوو نه‌بوون ئاگریان له‌ دوكانه‌كه‌ كردۆته‌وه‌ و دواتر هه‌وڵیانداوه‌ ڕابكه‌ن، یه‌كێك له‌وان به‌هۆی ناته‌واوی قاچیه‌وه‌ نه‌یتوانیوه‌ ڕابكات هه‌ربۆیه‌ پاش ماوه‌یه‌كی كه‌م له‌لایه‌ن پیاوانی پۆلیسه‌وه‌ ده‌ستگیركراون.

پاش ده‌ستگیركردنیان دانیان به‌وه‌دا ناوه‌ له‌به‌ر ئه‌وه‌ی‌ سه‌ركه‌وتوو نه‌بوون له‌ پلانه‌كه‌یان ئاگریان له‌ كۆگاكه‌ كردۆته‌وه‌، هه‌ردوو تۆمه‌تبار ڕه‌وانه‌ی‌ دادگای ئه‌منی ده‌وڵه‌ت كراون.
#الأردن : محاولة سطو فاشلة على صرافة في #الزرقاء بعدما قام 2 من اللصوص أحدهما معه مسدس بمحاولة إخافة الموظفين الذين لم يستجيبوا له فقاموا بإضرام النار والهروب ! pic.twitter.com/LK33yaYTYT


PM:03:29:04/02/2023


ئه‌م بابه‌ته 1040 جار خوێنراوه‌ته‌وه‌‌

ستایل