هۆكار و نیشانه‌كانی سستی رژێنی دەرەقی لە منداڵ
وێستگە ستایل-
رژێنێکی سەرەکی گەشەیە بە تایبەت دوای لە دایک بوون و تا ساڵی یەکەمی تەمەن، پاشان زۆر گرنگە لە تەمەنی مرۆڤدا بەڵام لە ساڵی یەکەم و بەتایبەت مانگی یەکەم و دووەمی تەمەن، کەبەر پرسی یەکەمی زیندە چالاکی یەکانی ناو لەشە، ئەو گلاندە دەکەوێتە بەشی پێشەوەی مل و کێشەکەی نزیکەی ٢٠ گرامە . کاری ئەو گلاندە دەبێتە ھۆی کەمی ھۆرمۆنی پایرۆکسین لەلەش و پاشان کەمی زیندە چالاکیەکان و گەشەی مێشک و نزیکی بەتایبەت باڵا ، دكتۆر كاوێس پزیشكی نه‌خۆشییه‌كانی منداڵان له‌م بابه‌ته‌دا هۆكار و نیشانه‌كانی سستی رژێنی دەرەقی لە منداڵ له‌م بابه‌ته‌دا خستۆته ڕوو.
بەگشتی ١ منداڵ لە ٣٠٠ لەدایک بوو ئەو حاڵەتەی ھەیە لەسەرەتای تەمەن لە کوڕ بۆ سێ ئەوەندەی کچانە .
لەسەدا ھەشتای حاڵەتەکان زیاتر ھۆکارەکە دروست نەبوون و رژێنەکەیە و لەسەدا بیست پەیوەستە بە دروست نەبوونی و کەمی چالاکی ھۆرمۆنەکە زۆر زیاترە لەو منداڵانەی کە کێشیان کەمە لەکاتی لە دایک بوون یان ئەوانەی کێشیان زۆر لە ئاسایی زیاترە
ھۆکارە سەرەکیەکان:
1-درووست نەبوونی رژێنەکە لە کاتی لە دایک بوون .
2- درووست نەبوونی یان کەم کاردنی ھۆرمۆنی دەرەقی.
3- سستی کاتی، کاتێک دایک دژە تەنی ھەیە بۆ ئەو گلانەوە و لە رێگای وێلاشەوە دەچێتە ناو لەشی منداڵ
4- نە منداڵانی کە مەنغۆلین.
5- ئەو منداڵانەی کە کێشەی دڵیان ھەیە زۆربەیان گرفتی ئەو گلاندەیان ھەیە، وە ئەوانەی لەسەرەتا کێشەی ئەو گلاندەیان ھەیە دووبارە لەوانەیە کێشەی دڵیان ھەبێت.
6- بوونی نەخۆشی خۆوە بەرگی وا ئەو کەسانەی نەخۆشی یان ھەیە و ھۆکارەکە بەرگری زیادە و لەناو لەش کاتێک دژی لەش کاردەکەن .
نیشانەکان:
- لەوانەیە زۆرێکیان لەسەرەتای تەمەن ھیچ گرفتێکیان نەبێت و ھیچ نیشانەکیان نەبێت و پاشان دەربکەوێت یان ئەوەندە کەم بێت کە جێگای سەرنج نەبێت
- بوونی زەردوویی لە کاتی لە دایک بوون کە درێژ بخایەنێت
- کەم شیر خواردن
- کەمی گەشە
- قەبزی لەسەرەتای تەمەن
-گەورەیی سەر و زمان و مەڵاشوو
- گڕ و ناشرینی و زبری روو و دەم چاو
- گڕی دەنگ لەکاتی گریان
- شل و خاوی لەش بە گشتی
- گەورەیی و زلی و ئاوسانی سک
- بوونی فتقی ناووک
- لەوانەیە ئەم نیشانانە ھەموویان یان ھەندێکیان ھەبن
دیاریکردنی نەخۆشیەکە :
1- نیشانەکانی کە لەسەرەوە باسکران .
2- پشکنینی خوێن : لەسەردەمی نوێدا ھەموو منداڵێک دەبێت ئەو پشکنینەی بۆ بکرێت چونکە لەوانەیە نەخۆشیەکەی ھەبێت ، ھیچ نیشانەکانی نەبێت و بەڵام ئەگەر لە مانگی یەکەم چارەسەر نەکرێت ئەوا منداڵەکە بە درێژایی تەمەنی گرفتی کەمی زیرەکی بۆ درووست دەبێت .
3- ھەندێک پشکنینی تایبەت ئێسک و ناوکی و دژە تەن بۆ حاڵەتی تایبەت .
چارەسەر :
دەبێت و پێویستە چارەسەری بە دەرمانی تایبەت وەربگیرێت ئەگینا بە درێژایی تەمەن نەخۆشەکە بیرکۆڵ و کورتە باڵا دەبێت تەنانەت دەبێتە ھۆی پەل کەوتن.
PM:12:15:16/05/2022
ئه‌م بابه‌ته 1032
جار خوێنراوه‌ته‌وه