به‌گوێره‌ی‌ ئه‌و هه‌واڵه‌ی‌ گۆڤاری" واشنتن پۆست" بڵاویكردۆته‌وه‌ تیایدا هاتووه‌ توێژه‌ره‌وه‌كان له‌ " نفرس" كه‌ كۆمپانیایه‌كی تایبه‌ته‌ و سه‌نته‌ره‌كه‌ی‌ له‌ كامبریدج- ماساتشۆستس ه‌ داتاكانی پێكهاته‌ی‌ بۆماوه‌ی‌ زنجیره‌ی‌ ئۆمیكرۆنیان شیكردۆته‌وه‌ و تێبینی ئه‌وه‌یان كردوه‌ تێكه‌ڵاوبونێك له‌ پێكهاته‌ی‌ بۆماوه‌ی‌ شریتی DNA ئه‌م جۆره‌ نوێیه‌ی‌ ڤایرۆسی كۆرۆنا و ڤایرۆسێكی دیكه‌ كه‌ هۆكاری توشبوونه‌ به‌ هه‌ڵامه‌ت تێكه‌ڵاوبووه‌ و تا ئێستا ئه‌م تێكه‌ڵاویه‌ له‌هیچكام له‌ شریته‌ كۆنه‌كانی ڤایرۆسی كۆرۆنا ڕوینه‌داوه‌.

فینكی ساوندارراجان پزیشكی پسپۆڕی ئه‌ندازیاری زینده‌ییه‌ و به‌شداری كردوه‌ له‌ نوسینه‌وه‌ی‌ ئه‌م توێژینه‌وه‌یه‌ باس له‌وه‌ ده‌كات له‌م حاڵه‌ته‌ی‌ تێكه‌ڵاوبوونی شریتی ڤایرۆسی كۆرۆنا به‌ ڤایرۆسی دیكه‌ ئه‌گه‌ری ئه‌وه‌ هه‌یه‌ ڤایرۆسه‌كه‌ به‌ ته‌واوه‌تی ئه‌و توانایه‌ له‌ده‌ست بدات كه‌ وایده‌كرد نیشانه‌ی‌ توندی توشبوون به‌ ڤایرۆسی كۆرۆنا له‌سه‌ر توشبووان ده‌ربكه‌وێت.