‌هیوایه‌ك بۆ توشبووان به‌ نه‌خۆشی پاركنسۆن

وێستگە ستایل-

ئه‌نجامه‌كانی توێژینه‌وه‌یه‌كی پزیشكی نوێ كاریگه‌ری هه‌ندێك پێكهاته‌ی‌ ناو گژوگیا و میوه‌ی ئاشكرا كردوه‌ كه‌ سوودی هه‌یه‌ بۆ كه‌مكردنه‌وه‌ی‌ مه‌ترسی توشبوون به‌ نه‌خۆشی پاركنسۆن.

ئه‌م توێژینه‌وه‌یه‌ له‌ گۆڤاری Science Translational Medicine بڵاوكراوه‌ته‌وه‌ و تیایدا هاتووه‌ كه‌ پێكهاته‌ی‌" ڤارنیسۆل" كه‌ ڕۆڵی سه‌ره‌كی ده‌بینێت له‌ دروستبوونی ستیرۆیده‌ چالاكه‌كان زۆر گرنگه‌ بۆ دروستبوونی ئه‌ندامه‌كانی له‌ش به‌شێوه‌یه‌كی سروشتی و پرۆتینی" PARIS"  له‌كار ده‌خات كه‌ به‌رپرسه‌  له‌ توشبوون به‌ نه‌خۆشی " پاركنسۆن" 

نوسه‌ری سه‌ره‌كی ئه‌م توێژینه‌وه‌یه‌ و به‌ڕێوبه‌ری په‌یمانگای " جۆنز هۆبكنز" بۆ ئه‌ندازیاری خانه‌كان، تید داوسۆن ده‌ڵێت" ئه‌م توێژینه‌وه‌یه‌ هاوكارێكی باش ده‌بێت بۆ دۆزینه‌وه‌ی‌ چاره‌سه‌ری ئه‌م نه‌خۆشییه‌" 

فارنیسۆل به‌شێوه‌یه‌كی سروشتی له‌ناو میوه‌ و چه‌ندین جۆری گژوگیا هه‌یه‌ به‌ڵام پسپۆڕان ئه‌وه‌یان ڕون نه‌كردۆته‌وه‌ كه‌ ڕۆژانه‌ هاوڵاتیان ده‌توانن چه‌ند له‌م پێكهاته‌یه‌ بخۆن بۆ ئه‌وه‌ی‌ له‌ توشبوون به‌ نه‌خۆشی پاركنسۆن پارێزراوبن.


PM:04:40:29/07/2021


ئه‌م بابه‌ته 1064 جار خوێنراوه‌ته‌وه‌‌