زۆرخواردنی ئیندۆمی مه‌ترسی توشبوون به دوو جۆری شێرپه‌نجه زیاد ده‌كات
وێستگە ستایل-
ئیندۆمی خواردنێکی خۆش و بەتامە، لەلای زۆرێک لە منداڵان بۆتە خووێک، ئامادەکردنی زۆر ئاسانە بەڵام کەمترین بەها خۆراکیە سودبەخشەکانی تێدایە و زۆرترین زیانی هەیە، دكتۆر نه‌جات پزیشکی پسپۆڕی نەشتەرگەری منداڵان له‌م بابه‌ته‌دا زیانه‌كانی ئه‌م خواردنه خێرایه به‌تایبه‌ت له‌سه‌ر ته‌ندروستی منداڵان ڕوون ده‌كاته‌وه.
1- ئیندۆمی ڕێژەیەکی زۆری چەوری و کالۆری و سۆدیۆمی تێدایە، هەروەها ڕێژەکی زۆر لە ڕەنگە دەستکردەکان و ماددە پارێزەرەکان، کە لێرەوە ترسناکی و کاریگەریەکانی لەسەر تەندروستی دەردەکەوێت، کەدەبێتە هۆی زیادبوونی کێشی لەش بەهۆی زۆری چەوری تێیدا.
2- زیان گەیاندن بە کۆئەندامی دەمار، ئیندۆمی خوێی مۆنۆسۆدیۆمی گلوتامێیت monosodium glutamateی تێدایە کە تام دەدات بە ئیندۆمییەکە بەڵام بە ترسناکترین ماددە دادەنرێت کە دەبێتە هۆی:-
- شیبونه‌وه‌ی بوونی خانەکانی مێشک
-کزبوون و بێ هێزکردنی توانای بیرکردنەوە و تەرکیز کردن
-پەیوەندی هەیە بە هەندێ نەخۆشی لەرزین و ئەلزەهایمەر
3- زیان بە جگەر دەگەیەنێت، ئیندۆمی ماددەی پرۆپیلین گلایکۆل propylene glycolتێدایە کە بۆ هێشتنەوەی شێی ئیندۆمیەکە بەکاردێت بەڵام زیان بە جگەر و گورچیلە و دڵ دەگەیەنێت.
4- دەبێتە هۆی شێرپەنجە، بە بەردەوامی خواردنی ئیندۆمی پەیوەندی هەیە بە شێرپەنجەی مێشک و سیەکان.
5- کاریگەری هەیە لەسەر تەندروستی دەروونی، ئەوانەی زۆر ئیندۆمی دەخۆن زیاتر تووشی کاردانەوەی توندو شڵەژان و دڵەڕاوکێ دەبن.
6- سەر ئێشە، ئەوانەی ئیندۆمی زۆر دەخۆن تووشی سەرئێشەی بەدەوام دەبن ئەوەش بەهۆی زۆری چەوری و ماددە پارێزەرەکان تێیاندا.
7-بەرزکردنەوەی ڕێژەی کۆلیسترۆڵ و بەرزکردنەوەی پەستانی خوێن.
8- زیان بە گورچیلەکان دەگەیەنێت، لەبەر زۆری خۆیەکانی وەک سۆدیۆم و ماددە دروستکراوەکانی وەک ڕەنگەکان تیایاندا.
9- بەرزکردنەوەی پەستانی خوێن،لەبەر بوونی زۆر خوێی سۆدیۆم و چەوریەکان، ئەوەش کار دەکاتە سەر لولەکانی خوێن و دڵ.
10- ڕشانەوە و سک ئێشەی بەردەوام لە منداڵان.
PM:08:32:13/07/2020
ئه‌م بابه‌ته 2596
جار خوێنراوه‌ته‌وه