ئه‌گه‌ر متمانه‌ت به‌خۆت نيیه ئه‌م هه‌نگاوانه متمانه‌ت بۆ ده‌گه‌ڕێنێته‌وه
وێستگە ستایل-
گرنگه مرۆڤ متمانه‌ی به‌خۆی و تواناكانی هه‌بێت ئه‌گه‌رنا ناتوانێت ژیانی به‌شێوه‌یه‌كی ئاسایی به‌ڕێ بكات، ئه‌گه‌ر تۆش متمانه‌ت به‌خۆت نییه ئه‌وه ده‌توانیت سوود له‌م هه‌نگاوانه وه‌ربگریت بۆ ئه‌وه‌ی متمانه به‌خۆبوونت بۆ بگه‌ڕێته‌وه.
1- زۆر توند مەبە لە بڕیاردان بەسەر خۆتدا بۆ ئەو هەنگاوانەی كە نیازت هەیە لە داهاتودا وەك پلانێك بۆ خۆت پەیڕەوی بكەیت .
2- هیچكات خۆت بە هیچ كەسێك بەراورد مەكە و هەوڵمەدە ببیت بە كۆپی دووەمی هیچ كەسێك .
3- پێبكەنە : پێكەنین نهێنی بەختەوەری مرۆڤە و زۆر بەسوودە بۆ كەمكردنەوەی ئەو پەستانە دەرونیانەی ڕۆژانە ڕوبەڕوی مرۆڤدەبێتەوە.
4- سەركەوتنەكانت بیر خۆت بهێنەرەوە ، ئەمە واتلێدەكات زیاتر متمانەت بەخۆت هەبێت و جگە لەوەش بۆ هەنگاوی بەرزتر بڕۆیت .
5- داوای یارمەتی بكە : دەتوانیت بۆ بەدەست هێنانی ئەو شتانەی لە دەرەوەی تواناكانی خۆتدایە داوای یارمەتی لەو كەسانە بكەیت كە لە دەوروبەرتن .
6- هەموو ڕۆژێك هەوڵی دەستخستنی بابەتێكی نوێ بدە و هەوڵبدە هەر ڕۆژێك شتێكی نوێی تیادا تۆمار بكەیت.
7- خواردنی خۆراكی تەندروست یارمەتی بیركردنەوەی تەندروستانە دەدات ، بۆ ئەوەش پێویستە دوور بكەویتەوە لە خواردنی خۆراكی ناتەندروست و زیان بەخش .
8- چالاكبە : بۆ ئەوەی متمانە بەخۆبونت زیاد ببێت پێویستە كەسێكی چالاك بیت لەڕوی دەرونی و جەستەییەوە بۆ ئەوەی ڕوبەڕوی تەواوی ئەو شتانە ببیتەوە كە بۆ ژیانت دێنە پێشەوە .
9- یارمەتی ئەو كەسانە بدە كە پێویستیان بە یارمەتی تۆ هەیە ئەمە وادەكات بە شێوەیەكی سروشتی لە ڕوی دەرونیەوە هەست بە ئارامی و خۆشحاڵی بكەیت .
AM:08:41:10/04/2019
ئه‌م بابه‌ته 5308
جار خوێنراوه‌ته‌وه