چەند ڕێنماییەک بۆ خۆپاراستن لە شەکرەی ماوەی دووگیانی
وێستگە ستایل-
شەکرەی ماوەی دووگیانی یەکێکە لە حاڵەتە مەترسیدارەکان بۆ هەریەکە لە کۆرپە و دایکەکە، هەربۆیە خۆپاراستن لەم حاڵەتە لە چارەسەرکردنی باشترە، لەم باسەدا دکتۆرە دلۆڤان محمد پسپۆڕی نەخۆسییەکانی ژنان و منداڵبوون چەند ڕێنماییەک دەداتە چارەخوازان بە مەبەستی خۆپاراستن لە شەکرەی ماوەی دووگیانی، ئەوانیش بریتین لە :
1- کێشێکی تەندروست بەر لە دووگیانی: ئەگەر پێویست بوو پێش دووگیانبوون کێشی زیادە دابەزێنە.
2- خواردنی ڕێجیمێکی هاوسەنگ:
- گرنگیدان بە دانەوێڵەی تەواو و پرۆتین و سەوزە و چەورییە تەندروستەکان.
- سنووردارکردنی خۆراکە شەکردارەکان و کاربۆهیدرات.
3- وەرزشکردن بە بەردەوامی: 30 خولەک چالاکیی مامناوەند وەک ڕۆیشتن زۆربەی ڕۆژەکان.
4- پشکنینی پێشوەختە بکە ئەگەر مەترسی زۆرت هەبێت: بە تایبەت ئەگەر پێشتر شەکرەت هەبووە، کێشت زیادە، یان لە مێژووی خێزانەکەت هەبووە.
4- باش بخەوە و سترێس کەمبکەرەوە: خراپ خەوتن و فشاری دەروونی دەبێتە هۆی زیادبوونی بەرگری ئەنسۆلین.
5- بەشداریکردن لە هەموو سەردانەکانی پێش منداڵبوون: دۆزینەوەی پێشوەختە و چاودێریکردن زۆر گرنگە بۆ خۆپاراستن لە شەکرەی دووگیانی.
PM:04:46:02/11/2025
ئه‌م بابه‌ته 180
جار خوێنراوه‌ته‌وه