‌گالتییە: هیچ یاریزانێك لە پاریس سانجێرمان گەورەتر نییە

وێستگە سپۆرت-

 كریستۆڤەر گالتییە ی ڕاهێنەری نوێی پاریس سانجێرمان دەڵێت  هیچ یاریزانێك لە یانەكە گەورەتر نییە نیماریش بە گرنگ دەزانێت بۆ 
پێكهاتەكەی.

پاش ناساندنی وەكو ڕاهێنەری پاریس سانجێرمان و لە لێدوانێكیدا كریستۆڤەر گالتییەی ڕاهێنەری یانەی پارس سانجێرمان وتی: دەزانم یانەكە ئامانجی گەورەی هەیە و منیش ئامادەم بۆ بەدیهێنانی تەواوی ئامانجەكانی یانەكە.

لە بەشێكی دیكەی وتەكانیدا گالتییە پەیامێكی ئاڕاستەی یاریزانەكانی كردو و وتی:  هەر یاریزانێك چەند گەورە بێت نابێت خۆی لە یانەكە پێ گەورەتر بێت  چونكە شوێنی لە یانەكەمان نابێتەوە و پاریس لە هەموو یاریزانەكان گەورەترە.

گالتییە لە بارەی داهاتووی نیمارەوە وتی  دەمەوێت نیمار لە یانەكەمان بەردەوام بێت و ئەو یەكێكە لە باشترین یاریزانەكانی جیهان و  هەموو ڕاهێنەێك حەزدەكات یاریزانێكی وەكو نیماری هەبێت.

لە كۆتایشدا ئەو ڕاهێنەری ستایشی ئاستی مباپێی كرد و وتی یەكێكە لە باشترین یاریزانەكانی جیهان و هیوادارم وەكو وەرزی ڕابردوو یەكلایی كەرەوە بێت.


PM:10:39:05/07/2022


ئه‌م بابه‌ته 1972 جار خوێنراوه‌ته‌وه‌‌