‌ڤیدیۆ.. هۆڵندا و پۆڵندا یه‌كسان بوون

وێستگە سپۆرت-

هه‌ڵبژارده‌ى هۆڵندا نه‌یتوانى درێژه‌ به‌ ئه‌نجامه‌ باشه‌كانى بدات و له‌گه‌ڵ پۆڵندا 2-2 یه‌كسان بوو.

له‌ یارییه‌كانى پاڵه‌وانێتى نه‌یشنلیگ و له‌ كۆمه‌ڵه‌ى چواره‌مى ئاستى ئه‌ى هۆڵندا میواندار پۆڵنداى كرد، یارییه‌كه‌ 2-2 كۆتاییهات.

دوو گۆڵه‌كه‌ى هۆڵندا داڤى كلاسین و دۆمفرێس له‌خوله‌كه‌كانى51 و54 تۆماریان كرد و دوو گۆڵه‌كه‌ى پۆڵنداش مانى كاش و زیلینسكى له‌ خوله‌كه‌كانى 18 و 49 تۆماریان كرد.

له‌ یاریه‌كى ترى هه‌مان كۆمه‌ڵه‌دا به‌لجیكا و وێڵز 1-1 یه‌كسان بوون.

به‌و ئه‌نجامانه‌ خاڵه‌كانى هۆڵندا بووه‌ حه‌وت خاڵ و له‌ پێشه‌نگدایه‌ و به‌لجیكاش به‌ چوار خاڵ له‌ پله‌ى دووه‌مدایه‌ و پۆڵنداش به‌ هه‌مان ڕێژه‌ى خاڵ له‌ پله‌ى سێیه‌مدایه‌ و وێڵزیش به‌ یه‌ك خاڵ له‌ پله‌ى چواره‌مدایه‌.


AM:12:18:12/06/2022


ئه‌م بابه‌ته 836 جار خوێنراوه‌ته‌وه‌‌