‌مباپێ ڕیاڵ مه‌درید شۆك ده‌كات

وێستگە سپۆرت-

كیلیان مباپێى فه‌ڕه‌نسى و ئه‌ستێره‌ى یپانه‌ى پاریس سانجێرمان یانه‌ى ڕیاڵ مه‌درید شۆك ده‌كات وبه‌ ناڕاسته‌وخۆ مانه‌وه‌ى له‌گه‌ڵ پاریس سانجێرمان دووپاتده‌كاته‌وه‌ .

له‌ پاش بردنه‌وه‌یان له‌ یانه‌ى مونبیلیه‌ وله‌ لێدوانێكیدا  بۆ پێگه‌ى تیلیفوتى فه‌ڕه‌نسى مباپێ ده‌ڵێت: له‌ ئێستادا له‌گه‌ڵ یانه‌كه‌م له‌گفتووگۆى پڕۆژه‌ى یانه‌كه‌ین بۆ داهاتوو و له‌ ئێستادا ته‌نها له‌بیرى ئه‌وه‌دام.

مباپێ ده‌شڵێت: ئه‌گه‌ر گرێبه‌سته‌كه‌م له‌گه‌ڵ پاریس نوێكرده‌وه‌ ئه‌وا دڵنیابین كه‌ بۆ ماوه‌یه‌كى دوور و درێژ له‌گه‌ڵ یانه‌كه‌ به‌رده‌وام ده‌بم .

له‌ كۆتایشدا مباپێ ئاماژه‌ى به‌وه‌شكردووه‌ كه‌ من له‌ دۆخێكى زۆر باشدام  و به‌ زووترین كاتیش داهاتووم له‌گه‌ڵ پاریس سانجێرمان یه‌كلایی ده‌كه‌مه‌وه‌ و زۆر خۆشحاڵم له‌ یانه‌كه‌مدا.


AM:10:59:23/01/2021


ئه‌م بابه‌ته 2488 جار خوێنراوه‌ته‌وه‌‌