راهێنەرێكى گەنج: پەیوەندییان پێوەكردم بۆ شوێنگرتنەوەى زیدان و لەبەر چەند هۆكارێك رەتمكردەوە
وێستگە سپۆرت-
یولیان ناجلیسمانى ئەڵمانى وراهێنەرى یانەى لایبزیك جەختدەكاتەوە كە لە ساڵى 2018 و پاش رۆشتنى زیدان لە راهێنەرایەتى یانەى شاهانە پەیوەندیم پێوەكرا تا راهێنەرایەتى ئەو یانەیە وەرگرم ، بەلآم رەتمكردەوە .
زیدان لە ساڵى 2018 وپاش بردنەوەى سێیەم نازناوى لەسەریەكى خولى یانە پاڵەوانەكانى ئەوروپا دەستى لە راهێنەرایەتى یانەكە كێشایەوە .
لە میانەى لێدوانێكیدا بۆ رۆژنامەى ماركاى ئیسپانى ناجیلسمان وتى: شتێكى ئاساییە كە ئامانجت راهێنەرایەتى ریاڵ مەدرید بێت ، لە بەرامبەریشدا پەیوەندیت پێوەبكرێت .
ناجلیسمان دەڵێت: سەرەتا كە پەیوەندیم پێوەكرا توشى سەرسوڕمان بووم ، بەلآم بیرم كردەوەو هەستم بە ئاسودەى نەكرد كە بچمە ئەو یانەیە چونكە من دەمەوێت باشتر بم و لە یانەى شاهانەش كات نییە بۆ ئەوەى باشتر بیت .
لە درێژەى قسەكانیدا ئەو راهێنەرە ئەڵمانییە وتیشى: كاتێك دەچیتە ریاڵ مەدرید یان بەرشەلۆنە هاندەران ومیدیاكان و خاوەن بڕیارەكان لەسەرت ناوەستن تا ئەوەى باشتر بیت، ئەوان تەنها سەركەوتن وبردنەوەیان دەوێت و ئەگەر نەشتبردەوە ناتوانى بڵێت من گەنجم و پێویستم بە گەشى زیاترە .
لە كۆتایی قسەكانیشدا ناجیلسمان وتى یەكێك لە هۆكارەكانى ترى رەتكردنەوەى ریاڵ مەدرید ئەوەبوو كە من نازانم بە زمانى ئیسپانى قسە بكەم هەر ئەوەنە ئەزانم بڵێم چۆنى وئەحواڵت چۆنە .
AM:11:03:16/02/2020
ئه‌م بابه‌ته 23396
جار خوێنراوه‌ته‌وه