بەرشەلۆنە بە زەحمەت لە ئالاڤێسی بردەوە
وێستگە سپۆرت-
یانەی بەرشەلۆنە بەزەحمەت توانی سەرکەوتن بەسەر دیپۆرتیڤۆ ئالاڤێس بەدەست بهێنێت و بەکاتی پێشەنگی لە ڕیاڵ مەدرید وەرگرتەوە.
لە یارییەکانی هەفتەی 14ـی خولی پلەیەکی ئیسپانی، یانە کەتەلۆنییەکە لەسەر یاریگای "سپۆتیفای کامپنو" پێشوازی لە ئالاڤێس کرد، دوای تەنیا 43 چرکە "ئیبانێز" گۆڵێکی خێرای بۆ تیپی میوان تۆمار کرد، بەڵام لە خولەکی هەشت "لامین یەماڵ" ئەنجامەکەی یەکسان کردەوە، دواتریش لە خولەکی 26 "دانی ئۆڵمۆ" گۆڵی دووەم و پێشکەوتنی لە نیوەی یەکەم بۆ بەرشەلۆنە زیاد کرد.
هەرچی نیوەی دووەم بوو لە کۆتا خولەکەکان "دانی ئۆڵمۆ" گەڕایەوە و گۆڵی دووەمی خۆی و سێیەمی بلاوگرانای نووسییەوە و لە کۆتایدا یاری 3-1 لە سوودی بەرشە بە کۆتا هات.
بەو ئەنجامە بەرشەلۆنە بە کۆکردنەوەی 34 خاڵ بە کاتی پێشەنگی لە ڕیاڵ مەدرید وەرگرت، هەرچی ئالاڤێسە بە 15 خاڵەوە خانەی 14یەمی گرتووە.
PM:08:16:29/11/2025
ئه‌م بابه‌ته 52
جار خوێنراوه‌ته‌وه