مان سیتی بە زەحمەت لە لیدز یونایتدی بردەوە
وێستگە سپۆرت-
فیل فۆدین لە خولەکەکانی کاتی زیادکراو توانی یانەی مانچستەر سیتی لە یەکسانبوونی لیدز یونایتد ڕزگار بکات.
لە میانەی یارییەکانی هەفتەی 13ـی خولی نایابی ئینگلیزی، تیپەکەی گواردیۆلا لەسەر یاریگای ئیتیحاد پێشوازیان لە لیدز یونایتد کرد، هەردوو "فۆدین" خۆی بە گۆڵی تیپی میوان گەیاند و لە خولەکی یەک گۆڵی پێشکەوتنی سیتی تۆمار کرد، پاشان لە خولەکی 25 "گڤاردیۆڵ"ـی بەرگریکار ئەنجامەکەی لە نیوەی یەکەم دوو هێندە لێکرد.
لە نیوەی دووەمدا لیدز یونایتد گەڕایەوە کەشی یارییەکە، لە خولەکی 49 "کالڤێرت لوین" گۆڵی یەکەمی تۆمار کرد، پاشان هێرشەکانی لیدز درێژەی هەبوو، لە خولەکی 68 "نمیچا" ئەنجامەکەی یەکسان کردەوە، بەڵام لە خولەکی یەکەمی کاتی زیادکراو، "فۆدین" توانی گۆڵی دووەمی خۆی و سێیەمی سەرکەوتن بۆ سیتی بنووسێتەوە.
بەو ئەنجامە مانچستەر سیتی بە 25 خاڵەوە مەترسی لەدەستدانی پلەی دووەمی لەسەر نەما، هەرچی لیدزە بە 11 خاڵەوە لە پلەکانی کۆتایی دێت.
PM:08:01:29/11/2025
ئه‌م بابه‌ته 44
جار خوێنراوه‌ته‌وه