بایرن میونخ لەدوایین خولەک سێ خاڵی بەدەست هێنا
وێستگە سپۆرت-
یانەی بایرن میونخ لە دوایین خولەکەکان توانی سێ خاڵی زۆر گرنگ بەدەست بهێنێت و پێشەنگی بەهێزتر بکات.
لە یارییەکانی هەفتەی 12ـی خولی پلەیەکی ئەڵمانی، بایرن میونخ دەرگای یاریگای ئالیانز ئارینای بە ڕووی سانت پاولیدا کردەوە، تیپی میوان لە خولەکی 6 بە گۆڵێکی " هاونتۆنجی" پێشکەوتن، بەڵام بایرن پێش کۆتایی هاتنی نیوەی یەکەم ئەنجامەکەی لە ڕێگەی " گوێرێرۆوە" یەکسان کردەوە.
لە نیوەی دووەمدا یانە باڤارییەکە هەوڵیدا بە گۆڵی دووەم بگات و چەندین گۆڕانکاری کرد، تاکو ئەوەی خولەکی 93"لویس دیاز" بە ئامانجەکە گەیشت و توانی بردنەوە بۆ بایرن بەدەست بهێنێت و لە خولەکی 97یش جاکسۆن گۆڵی سێیەمی تۆمارکرد
بەو شێوەیە تیپەکەی کۆمپانی لە 12 یاریدا خاوەنی 11 سەرکەوتن و تەنیا یەکسانبوونێکە و بە 33 خاڵەوە پلەی یەکەمی ڕیزبەندی بوندسلیگای گرتووە، لە یاری داهاتووش ڕووبەڕووی شتوتگارت دەبێتەوە.
PM:07:28:29/11/2025
ئه‌م بابه‌ته 56
جار خوێنراوه‌ته‌وه