ئالۆنسۆ گەڕانەوەی چەند یاریزانێکی ڕاگەیاند
وێستگە سپۆرت-
چابی ئالۆنسۆی ڕاهێنەری ڕیاڵ مەدرید گەڕانەوەی چەند یاریزانێکی ڕاگەیاند و هیواداریشە هەموو نازناوەکان ببەنەوە.
لە کۆنگرەی ڕۆژنامەوانی پێش یارییەکەیان بەرانبەر جیرۆنا کە بڕیارە شەوی یەکشەممە کاتژمێر 11 بکرێت، سەرەتا ڕاهێنەرەکەی مێرنگی ئاشکرای کرد، دین هاوسن هێشتا نەگەڕاوەتەوە و پێویستی بە کاتی زیاترە، بەڵام ماستانتونۆ و ڕودیگێر و میلیتاو گەڕاونەتەوە و هیوادارە ئاسینسیۆش ئامادە بێت.
لە بەشێکی دیکەی قسەکانی چابی باسی لەوەکرد، پێویستیان بە ئاڕنۆڵد هەیە و فشاری زۆر دەکاتە سەرخۆی، بەڵام ئەمە یەکەم ساڵییەتی و بە قۆناغی خۆگونجاندندا تێپەڕێت، هەرچی مێندییە کاریگەری باشی هەیە و بەرگرییەکی نایاب دەکات.
ئالۆنسۆ ئەوەشی خستەڕوو، چەند ساتەوەختێکی باشی یاریکردنیان پێشکەش کردووە و پێویستیان بە کۆنتڕۆڵکردن و سەقامگیری هەیە بە تایبەتی لەڕووی بەرگرییەوە و لە هەندێک شت ڕازی نییە، بە تایبەتی ئەو گۆڵانەی چەند یاری ڕابردوو لێیان کراوە.
لە کۆتایدا ڕاهێنەرەکەی قەڵای سپی دەڵێت: هەمیشە هەستم بە یەکگرتووی تیپەکە کردووە و هەموومان دەزانین ئامانج چییە ئەویش گەیشتنە بە لووتکە و بردنەوەی هەموو نازناوەکانە.
PM:07:13:29/11/2025
ئه‌م بابه‌ته 60
جار خوێنراوه‌ته‌وه