توندوتیژی دژ بە ئافرەت وەك کێشەی تێپەڕاندنی ئەخلاق

توندو تیژی دژ بەڕەگەزی بەرامبەر،،  بەشێوەیەکی گشتی، لەسادەترین پێناسەیدا تێپەراندنی سنوورەکانی ئەخلاقە. بەتایبەتیش بەواتا غەزالییەکەی ئەخلاق، کە پێ لەسەرئەوە دادەگرێت : ئەخلاق تەنها ئازارنەدانی بەرامبەر نییە، بەڵکو بەرگەگرتنی ئازاردانی ئەوو وەڵامنەدانەوەی خراپە بەخراپەشە.

بەپێچەوانەی پێوەرەکانی فەرهەنگی خێڵیش بۆ دەستنیشان کردنی پیاوەتی پیاو لەم ڕوەوە، بەتایبەتیش بەرامبەر بەهاوژین .

 توندوتیژی دژ بە ئافرەت، کە لەزۆربەی کاتەکاندا، یەکسانە بەسووکایەتی پێکردنی، دژ بە ناوەڕۆکی چەمکی پیاوەتی و جوامێری و مەردایەتیە.

 بەڵام بۆ تێگەیشتن لە ناوەرۆکی چەمکەکەو دیاریکردنی هۆکارەکانی و کەمکردنەوەی بازنەکەی و ئابڵۆقەدانی لەژیانی خێزانی و گشتیدا، تەنها ئەوەندە بەس نییە، ئیدانەی  ئەخلاقیی پیاو بکەین، بەڵکو دەبێت    ڕووانینمان بۆ کۆی ژیان و کۆمەڵگە فراوان بکەین، هەروەها ئافرەتیش لێپرسراوێتی لەئەستۆ بگرێت.
بەتوانا خوا پێداوە جۆراوجۆرەکانی، رەگی توندوتیژی لەفەرهەنگ و بیرکردنەوەی پیاودا سست بکات و وای لێبکات شەرم بکات پەنای بۆ بەرێت و بەدنمەکی بەرامبەر پەیوەندییەکی پیرۆزو سەرچاوەیەکی گەورەی دڵئارامی خۆی بکات.
ئەبوبەکر کاروانی

PM:01:49:26/11/2023

ئه‌م بابه‌ته 516 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی