بەرەو ھەڵوەشاندنەوەی رێکەوتننامەی لۆزان

بەر لە سەد ساڵ لە یەکێک لە شارە ھەرە جوانەکانی سویسرا رێکەوتنێک واژوو کرا دژ بە گەلی کورد. ئەو رێکەوتنەی بووە ھۆی سەرھەڵدانی  شۆڕش و خەبات و بەرخۆدانی نەپچڕاوەی گەلەکەمان.

وڵاتانی سەرکەوتووی جەنگی جیھانی یەکەم دەستیان تێکەڵ کرد لەگەڵ وڵاتانی ئیقلیمی و رێکەوتنی سێڤریان ھەڵوەشاندەوە.

بەبێ ئامادەبوونی کوردو بێ پرس پێکردنی، خاک و نیشتمانیان چوار بەش کرد.

لە ھەمان ھۆڵ و دوای ساڵێک کەمتر لە سەد ساڵ بەشدار بووین لە سەرپەرشتیکردنی کۆنفرانسێک بە ئامانجی ئامادەکاریی بۆ قۆناغێکی نوێ لە خەبات نەک پێچەوانەوەی گەلەکەمان.

یەکێتیی نیشتمانیی کوردستان پشتیوانی خەباتی مەدەنی و سیاسی گەلەکەمانە لە ھەموو پارچەکانی کوردستان.

یەکێتی بەسەرپەرشتی سەرۆک بافڵ جەلال تاڵەبانی خەبات دەکات بۆ راستکردنەوەی ھەڵەکانی مێژوو.

لە لۆزان و لەو ھۆڵەی ئەو رێکەوتنە نەگریسە دژ بە گەلەکەمان واژوو کرا، سیاسەتی یەکێتیی نیشتمانیی کوردستانمان خستەڕوو و بۆچوونی سەرۆک بافڵ جەلال تاڵەبانی لەسەر پشتگیریکردنی خەباتی مەدەنی و سیاسی گەلەکەمان.

لەم قۆناغە تازەیەدا لەگەڵ ھێزو لایەنە کوردستانییەکان تێدەکۆشن بۆ گەیاندنی پەیامی گەلەکەمان بەناوەندەکانی جیھان و سەلماندنی رەوایەتی خەباتەکەمان بۆ بەدیھێنانی مافەکانمان.

بۆ ئێمەی کورد قۆناخێکی نوێ دەستپێدەکات.

میللەتەکەمان چەندەھا حزب و رێکخراوی جیاجیای تێدایە بە ئایدۆلۆجیای جیاواز و بۆچوونی جیاوازەوە، بەڵام ھەموو لەسەر ئازادی نەتەوەکەمان و پارستنی کەلتوری کوردی کۆکن و ھاوڕان.

ئەمە دەبێت بکرێتە بنەمای خەباتمان.

با ھاوبەشییەکانمان کۆمانکاتەوە نەوەک جیاوازییەکانمان پەرتمان بکات.

PM:07:54:26/07/2022

ئه‌م بابه‌ته 1300 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی