تۆ شۆڕش نەبووی ئێمە نەدی و بدی بووین

‌د.شێرکۆ عبداللە

*لەدوای ئاوخواردنەوە ئاسانترین شت گووکردنە سەروەری عێراقە

*سەنتەری ئاماری هەرێم : ژمارەی ئەوانەی دوو پووریان لە خاریجە لە ژمارەی دەنگەرانی هەڵبژاردنی پێشوو زۆرترە.

*زۆر ناخۆشە کە خوتبەکەت تەواو بوو لە دائیرەی ئاوەڕۆوە تەلەفونت بۆ بکەن بڵێن مەسینەیەکی تر ئاوی پیا بکە.

*تۆ شۆڕش نەبووی ئێمە نەدی و بدی بووین.

*دی کاپریۆ بۆ ئەوەی دەوری فریشتەیەک ببینێ لە فلیمێکدا ، پێیان وتوە سێ چوار ڕۆژ بچۆ بۆ بازاڕی دۆلارەکە تا فێر ببیت.

*ئەم ماسکە قۆڕە وای لە گوێچکەمان کردوە بە ئاسانی عەربسات وەرئەگرێ.

*داهاتی هەرێم ئەو کیلۆ گۆشتەم بیر دەخاتەوە کە لای پشیلەیەکی ئەمین و ئومان دانرابێ.

*گوێم لە کارمەندێکی باری شارستانی بوو ئەیگو کورد بەحەیاتی شارستانی نەبووە.

*ئەو هەرێمەی کە ئێمە تیایدا ئەژین ١٨٠ دەرجە فەرقی هەیە لە کوردستانی مەسئولەکان.

*وەزعی وڵات بەم شێوەیە بەردەوام بێ ، سبەینێ لە تەئریخدا ئەنوسرێ عەلی کیمیاوی عازف پیانۆ بووە

لە درەو وەرگیراوە


AM:09:40:25/07/2022

ئه‌م بابه‌ته 3088 جار خوێنراوه‌ته‌وه‌‌



هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی