گلەییەک لە لایەنە ئیسلامیەکانی کوردستان
سالار مه‌حمود
نەورۆز جەژنی نەتەوەیی و نیشتمانیمانە، نەک ھەر کورد گەلانی موسلمان و دونیا بەڕێزو گەرمیەوە پێشوازی لێ دەکەن. بۆ کورد تایبەتمەندیەکی زیاتری ھەیەو، ھێمای خەبات و ھیوای سەرکەوتنە.
پرسیارێکی برایانەو گلەییەکی دۆستانە لە زۆرێک لە زانایانی موسڵمانی خۆمان و کەناڵە راگەیاندنە ئیسلامیەکان و بەشێک لەسەرکردە ئیسلامیەکان دەکەم. بۆ لەم بۆنەیەدا خۆیان بێدەنگ دەکەن و ھاوبەشی خەڵک ناکەن بە پەیامێک؟
گەرچی کەسایەتی و لایەنی غەیرە ئیسلامیش ھەن، تەنیا بە دروشم و بۆ مەرامی کەسی و خۆ نواندن باسی ئەم جەژنە نەتەوەیی و نیشتمانیە دەکەن!
ئەوەتا ھێشتا دوژمنانی کورد لەکاتی ئاھەنگی نەورۆزدا پەلاماری ھاوڵاتیان دەدەن و شەھیدیان دەکەن.
ئەم گلەیی نامەیەم وەکو خۆی وەربگیرێ و ھەست پێکراوە.
جێگای رامان و ئەسەفێکی زۆرە.
با بەشێک لە زانایان و لایەنەکانی ئیسلامی دەرسێک لە عەلامە مامۆستا عەبدولکەریمی مودەڕیس وەربگرن.
ئەم بۆنە ھیچ دژایەتیەکی لەگەڵ ئاینەکەمان، ئاینی پیرۆزی ئیسلام نیە.
ئەم جەژنە دێرینە ھی ھەموانە ھی موڵکی گەلە. ھیچ کەس و لایەنێک خاوەنی نیە. باقی وەسەلام..
PM:10:25:20/03/2023
ئه‌م بابه‌ته 504
جار خوێنراوه‌ته‌وه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی