خاڵە گەشەكانی خۆپیشاندانەكانی پشتیوانی رۆژئاوای نیشتمان

* خۆپیشاندانەكان گشتگیرن و هەموو شارەكانی هەرێمی گرتەوەو فراوانن.

* خۆپیشاندانەكان لێوانلێوە لە كچان و ژنان و ئەكتیڤن لەراپەراندنی ئەركەكانیان.

* خۆپیشاندانەكان زیاتر نەتەوەیی و نیشتمانین و سیمای حزبی پێوەدیار نییە.
* خۆپیشاندانەكان بەریەككەوتنی تیانییە لەگەڵ هێزەئەمنیەكان و دورە لەتوندوتیژییەوە.

* خۆپیشاندانەكان ئەو بۆچوونەی پوچەڵ كردەوە كە كوران و كچانی ئێمە نەوەیی ئایپادو ئایفۆنن و خاوەن دید و روئیای نەتەوەیی نین و بێ ئاگان لەدۆخی دنیا.

* خۆپیشاندانەكان سەلماندیان كە مەتەوەی كورد پشتیوانی یەكترن و گوێ بەسنوری دەستكردی نێوانیان نادەن.

* خۆپیشاندانەكان ئاستی هوشیاری كۆمەڵگەیان نیشانداین كە لەو هەموو پێكەوبوون و تێكەڵ بوونی گەنجانە هیچ جۆرە كیچەڵ كردن و توندوتیژیەك دروست نەبوو.

ئیستا كاتی ئەوەیە ئەم خرۆشانە میللیە خۆرسكییە لەلایەن بەرپرسانی باڵای هەرێمەوە بەهەند وەربگیرێت و ئەوانیش دور لەگیانی حزبایەتی بەرژەوەندیە باڵاكانی نەتەوە بخەنە سەرو هەموو بەرژەوەندیەكانەوە پەلەبكەن لە پێكهێنانی حكومەتی هەرێم و دروستكردنی یەك گوتاری لەبەغدا، چونكە ئەم نەتەوەیە شایانی ئەوەیە بەوجۆرە مۆراڵە بەرزەوە مامەڵەی لەگەڵ بكرێت ژیانێکی پڕ شکۆیان هەبێت.

AM:11:57:25/01/2026

ئه‌م بابه‌ته 296 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی