ڕەخنە لە چی دەگریت! بەچی دڵخۆشیت!

ڕەخنە لە چی دەگریت! بەچی دڵخۆشیت! 
بەوەی ئەمڕۆ کەمتر لە ٥٠٠ کەس ئامادەی خۆپیشاندان بوە بۆ مافی خەڵک! 

دەستەیەک لە مامۆستایان و فەرمانبەرانی ناڕازی، بانگەوازی خۆپیشاندانیان کرد. 
هەر ئەم بەڕێزانە مانگێک پێش ئێستا بانگەوازی خۆپیشاندانیان کردوو؛ دوو  شەو زیندانی کران. 

وەک چۆن جاری پێشوو پشتیوانیان بوین و دەستگیرکراین، ئەم جارەش بەدەم بانگەوازەکەیانەوە ڕۆشتین و نزیکەی ١٠٠ هاوڕێمان لە نێو سلێمانی ئامادەبوون(ئێمە یەک موچەخۆرو پاسەوانمان نیە) ..
بەڵێ بەتەنیاش بین شانازیە بەدەنگی بەرز لە هەموو شوێن دژی ستەمکارین! 

ئاسانترین کار ئەوەیە؛ کادری حیزبێکی زاڵمی ستەمکاربیت! خەڵک بێ هیوا بکەیت لە دەنگی ناڕازی! 

لەم ساڵەدا ئەوەی لە تواناماندا بوە، بۆ دژایەتی زوڵم و ستەم، خۆپیشاندان و مانگرتن، کەمپەین و قسەی حەق، لە سلێمانی بێت یان دێگەڵە یان لە هەولێر؛ کردوومانە..
هاوڕێکانمان زیندان کراون و بۆلێدان لە ئێمە هێندراونەتە سەر شاشە! دۆسیەی "سیخوڕ”یان کردوەتەوە بۆمان! 

دەڵێی: بۆ خۆپیشاندان ناکەن! کە دەکرێت: نەک نایەیت دڵخۆشی بەوەی خەڵک نەچێت! 

لە دوێنێوە دەسەڵات؛ حەملەیەکی گەورەی کرد؛ بڕیاری موچەدرا! ئەمە خەڵکی ساردکردەوە. 

گرنگە خەباتی مەدەنی بەردەوام بێت.

AM:12:13:21/08/2025

ئه‌م بابه‌ته 1220 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی