ئایا شه‌رمه رۆژنامه‌نووس بین؟
ئەحمەد میرە
شۆبنهاور وتی: ڕۆژنامەنووسی ؛دەستی دووهەمی مێژووە،بەڵام بەداخەوە ئەو دەستە باش کارناکات.
ئەمڕۆ
ڕۆژنامەگەریی کوردیی هێندە شێواوە ئەگەر لێم بپرسن: ئێوە چیتان هەیە
،گومانم نییە لەوەی بڵێم:تەنها خاوەنی مەکینەیەکی گەورەی بەرهەمهێنانی
ڕسوایی ئەوی ترین!
نە بەهای پێوویستی ماوە و نەگاریگەریی گەورەی هەیە .
ئێستا
وەک جاران نییە ڕاگەیاندن تەنها مرۆڤی گەمژە دروستبکات ،بەڵکو مرۆڤی گەمژە
بەڕێوەی دەبات و گەمژەکانیش بە جنێو نووسین پاڵپشتی دەکەن.
ئێستای ڕۆژنامەگەریی کوردیی سەرڕێژە لە ئەوانە کە ڕێزی ڕاستی و وردبینی و بوێری و بابەتی بوونیان بەجێهێشتووە .
بۆ
یەلینین سەدەیەک بەر لە ئێستا دەیووت :ڕۆشنیرەکان لە هەمووان زیاتر توانای
خیانەتکردنیان هەیە چونکە لە هەمووان لێزانترن لە بیانووهێنانەوە.
کارەکە
بەدەست ئەهلی قەڵەمەوە نەماوە و کەوتووتە دەست کۆمەڵێک لاکە وتە ،کە
کاریان ئەتک و شکاندن و هەواڵگیریە خراپەکاریی و برەودانە بە جنێو و گەورە
کردنی پرووپووچییەکان و شکاندنی ڕۆڵی جدیانەی نووسین و بیرکردنەوە
مەزنەکان.
کەمێک کاتی خۆتان بە هەدەربدەن ،دەبینن کە کەناڵە کوردییەکان و سۆشیاڵ میدیایی کوردیی چ زەلکاوێکی پیس و ناشیرینە.
ئەمە
بەشی زۆری حیزبەکان لێی بەرپرسیارن و ئەمجۆرە ڕۆژنامەگەرییەیان دەوێت و
بەشەکەی دیش کلتووری ئێمە یارمەتیدەرێکی گەورەیە بۆ خوڵقاندنی ئەمجۆرە
گوتارە ترسناکە.
هیچ کۆمەڵگایەک بە چەک و شەڕ بە تەواوەتی لە ناو ناچێت ،هێندەی بەوە لە ناو دەچێت کە واقیعی ژیانی لێبکەیتە نوکتەیەکی پڕووپووچ .
لە ڕاستیدا کۆمەڵگای ئێمە ڕێک لەم دۆخەدا دەژی ،ڕاگەیاندن هەموو شتێکی لێکردووینەتە نوکتە.
بە
پێوویستی دەزانم لە جیاتی درۆی پیرۆزبایی و بە لاغی هەزیل و چرووک ،بە
هەموو لایەک کار بکەین بۆ گێڕانەوەی کەمێک شکۆی لە دەستچوو بۆ ڕۆژنامەگەریی
کوردیی و هەوڵبدەین زەلکاوەکە وشکبکەین .
دەنا شەرمە خۆمان لە ڕیزێکا ئەژماربکەین کە پێیدەوترێ ڕۆژنامەنووسانی کورد!
خۆ
دەزانم بەشێک لە ئەوانەی ئەم نووسینە دەخوێننەوە پڕن لە ڕق و بە جنێو و
بوهتانەکانیان خۆیان بەتاڵدەکەنەوە ،بۆ ئەمەش گەردنی گەمژەیتان ئازادبێت.
PM:03:44:22/04/2025
ئه‌م بابه‌ته 424
جار خوێنراوه‌ته‌وه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی