زۆر بە کورتی دەربارەی رێگریکردن لە سەنگاوی
هۆشیار عەبدوڵا
رێگریکردن لە(مەحمود سەنگاوی)بۆ چونە ناو هەولێر، درێژەدانە بەو سیاسەتە هەڵەیەی (پارتی) دەمێکە لەسەری دەڕوات، دەبێ ئەو ڕێگریە ئیدانە بکرێ، نابێ ناکۆکی حزبی یا تانە و پۆزە ناشیرینەکانی ئەو کاتەی کەسانێکی ناو یەکێتی بۆ رێگریکردن لە دکتۆر(یوسف)وا بکا گۆڕانەکان هەمان شت بکەن، کاری لەو شیوەیە بەرامبەر هەر کەسێک بکرێ بێزراوە، دەبێ گۆڕانخوازەکان بە ئاستێکی سیاسیی باڵا و جیاواز مامەڵە بکەن نەک مامەڵەی هاوشیوە.
ناکۆکی سیاسیی و قسەی بەرز و نزمی سیاسیی نێوان سەنگاوی و پارتی هەرچیەک بێت بێ مەعنایە پارتیی هەولێر وەک موڵکی بێچەند و چونی خۆی یا وەک شارێکی داگیرکراو تەماشا بکا.
ئەم کلتوری رێگریە ئێجگار ناسیاسیی و دواکەوتوانەیە نازانم کەی دەستبەرداری دەبن، لەوەی پارتی قەباحەتتر ئەوەیە یەکێتیش پەنا بۆ هەمان ئاکار ببات کە ئێجگار نابەرپرسانەیە و هەڵە بە هەڵە چارەسەرکردنە.
داخیی ئەوە دەمکوژێ بەم عەقڵیەتەوە دەیانگوت دەوڵەتتان بۆ دروست دەکەین و خەلکیش باوەڕی پێکردبون.
PM:07:25:19/09/2019
ئهم بابهته 4220
جار خوێنراوهتهوه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی