قسەیەک لەسەر سەنتەری میترۆ..

سەبارەت بەراگرتنی باڵانسی جێندەری  و سەرنجدانی ئێمە لە کۆی ناوەندو دەزگاکان و سەنتەرەکان و ھتد، جگە لەوەی باوەڕمان پێیەتی، بەشێکیشە لەئەرکمان.

جێی خۆیەتی کە دەست خۆشی و سوپاس و پێزانینمان ھەبێت بۆ سەنتەری میترۆ کەساڵ بەساڵ بەرەوپێشچوون و ھەنگاوی عەمەلی دەنێن،  لە راگرتنی باڵانسی جێندەریدا و کچان و ژنان، ئێستا رۆڵ و پێگەی دیاریان ھەیە لەو سەنتەردا، کە ئەمە جێی خۆشحاڵیە و گوڕینی دروشمەکانە بۆ بەپراکتیک و کارکردنە بۆ ئەم پرسە.

ھەر لێرەوە دوو پێشنیار بۆ سەنتەری میترۆ دەکەم:
- سەنتەری میترۆ دەتوانێت لەڕێگەی پلان و بەرنامەی نوێیان کاریگەری دروست بکەن، لەسەر دەزگا میدیاییەکان، کە  باڵانسی جێندەری لەھیکەلەی دەزگاکانی ئەوانیشدا رەنگدانەوەی ھەبێت.

ئاشکرایە کە راگرتنی باڵانسی جێندەری، تەنھا دەرکەوتن و بوونی ژنان و کچان نییە، بەڵکو بە پێدانی رۆڵ و پێگەو بەشداریان دەبێت لە بڕیارو ستراتیجی ھەر دەزگایەک.

- گرنگە کە میترۆ بەردەوام بێت، لەھەنگاوی لەم جۆرەو ئەو شانازیە بەخۆی ببڕێت، کە لەداھاتوودا ژنێک بکاتە بەڕێوەربەری سەنتەرەکە.

لەکۆتاییدا ئەوەشمان بیرنەچێت، کە چەندە گرنگی دەدەین بە چەندێتی و دوو ھێندە گرنگترە، کە لەرووی چۆنێتی و تواناکانیشمان ھەڵسەنگاندبێت.

جارێکیتر سوپاس بۆ سەنتەری میترۆ و ئەو ژن و کچانەی کە لەوێدا رۆڵی گرنگیان ھەیەو بەردەوامن، سوپاس بۆ ئەو دوونیابینیە پیاوانەیەشی، کە پشتیوانە و کاری کردوە بۆ راگرتنی باڵانسی جێندەری لەو سەنتەرەدا.

PM:07:55:12/01/2020

ئه‌م بابه‌ته 2884 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی